कोरोनाभाइरस रोक्न ‘लकडाउन’ कै बेलामा जब ७७ वर्षे स्पेनिस पोकेमन्स् खोज्दै बाटोमा पुगे

काठमाडौं ।

कोरोनाभाइरस महामारीका बेला विश्वभर लकडाउनको अवस्था छ । नेपालसहित अधिकांश देशहरुले आफ्ना नागरिकहरुलाई घरभित्रै बस्न भनेका छन् जसले गर्दा संक्रमण नफैलियोस् ।

यसैबिचमा अधिक नागरिकहरुको मृत्यु भएको देश स्पेनमा पनि नागरिकहरुलाई लकडाउनमा बस्न भनिएको छ । तर सोहि लकडाउनको बेलामा भने एक ७७ वर्षे मानिसलाई घरबाहिर घुमिरहेको बेला मड्रिडको प्रहरीले पक्राउ गरेको छ ।

लकडाउनको बेला उनी किन बाहिर गए त ? यो प्रश्नको उत्तरले स्थानिय प्रहरीलाई पनि अचम्मित पारेको थियो ।

रिपोर्टअनुसार ती ७७ वर्षे वृद्ध मानिस आफ्नो स्मार्टफोनमा पोकेमन गो खेलिरहेको बेला पोकेमनहरुलाई खोज्न र पक्रन (हन्टिङ्ग गर्न) बाहिर सडकमा आएका थिए ।

महानगर प्रहरीले सो बारेमा ट्विटरमार्फत समेत जानकारी दिएको छ । ट्विटरमा भनिएको छ, ‘ती मानिसले अधिकारीहरुलाई भने उनी अझै सडकमा नै रहनेछन्, किनकी उनी ‘पोकेमन्स हन्टिङ्ग’ गरिरहेका थिए ।’

Cazar #Pokemon, dinosaurios o cualquier otra criatura mágica está ⛔️ PROHIBIDO ⛔️ durante el Estado de Alarma. No pongas excusas y #QuedateEnCasa #ResponsabilidadSocial #COVID19 pic.twitter.com/L4U2xvGpU0

— Policía Municipal de Madrid (@policiademadrid) March 23, 2020

स्पेनमा दैनिकरुपमा कोरानाभाइरसबाट मर्नेको संख्यामा उच्च वृद्धि भएसँगै बाहिर निस्कन निकै कडाई गरिएको छ, जहाँ कानून उलंघन गर्नेलाई ६०१ यूरोदेखि ३० हजार यूरोसम्म जरिवाना गरिन्छ ।

ती बाहिर आएका ७७ वर्षे वृद्धलाई पनि जरिवाना गरिएको रिपोर्टमा उल्लेख छ ।

यसैबिच पोकेमन गोको डेभलपर कम्पनी नियान्टिकले भने गेमरहरुलाई अहिले घरभित्रै बस्न भनेको छ भने कम्पनीले इन्डोरमा नै खेल्न सकिने गरि नयाँ मोडलहरु अफर गरिरहेकोछ ।

नयाँ अपडेटहरु गो ब्याटल लीगमा गरिएको छ जहाँ प्लेयरले सो चरण पुरा गर्न निश्चित नम्बर पुरा गर्नुपर्दैन् । एजेन्सी