सिमकार्ड लिन अबदेखि लाइसेन्स वा पासपोर्ट भए हुने, नाबालिग विद्यार्थीको हकमा भने परिचयपत्र

Technology Khabar २ चैत्र २०७६, आईतवार

सिमकार्ड लिन अबदेखि लाइसेन्स वा पासपोर्ट भए हुने, नाबालिग विद्यार्थीको हकमा भने परिचयपत्र
Classic Tech

नेपाली नागरिकहरुले अबदेखि दूरसंचार सेवा प्रदायकहरुको नयाँ सिमकार्ड लिनका लागि सवारी लाइसेन्स वा पासपोर्ट देखाएर पनि सिमकार्ड लिनसक्ने छन् ।

हालै नेपाल दूरसंचार प्राधिकरणले सिमकार्ड लिने व्यवस्थालाई सरलिकृत गर्दै अबदेखि सवारी चालक अनुमतिपत्र(लाइसेन्स) वा राहदानी(पासपोर्ट)को आधारमा पनि सिमकार्ड लिनसकिने प्रावधान थप गरेको छ ।

प्राधिकरणको यहि फागुन २७ गतेको बोर्ड बैठकले सो निर्णय गर्दै सिमकार्ड बितरण प्रकृयालाई सरलिकृत गरेको हो । दूरसंचार सेवा प्रदायकहरुले सिमकार्ड बितरण गर्ने व्यवस्थालाई सहजिकरण गरिदिन अनुरोध भएअनुसार नेपाली नागरिकको हकमा नयाँ व्यवस्था थप गरिएको प्राधिकरणले जानकारी दिएको छ ।

यसअघि टेलिकम कम्पनीहरुको सिमकार्ड लिनका लागि सेवाग्राहीले नागरिकताको परिचयपत्र वा राष्ट्रिय परिचय पत्र वा मतदाता परिचयपत्रको आधारमा मात्र लिनपाउने व्यवस्था गरिएको थियो । गैर आवासिय नेपालीको हकमा भने गैर आवासिय नेपाली नागरिक कार्डको आधारमा सिमकार्ड लिन पाईने व्यवस्था थियो ।

अबदेखि त्यस्तो व्यवस्थामा सवारी लाइसेन्स र पासपोर्ट समेत थप गरिएको हो ।

त्यसैगरि प्राधिकरणले नाबालिग विद्यार्थीको हकमा भने विद्यार्थी परिचय पत्रलाई आधार मान्न सकिने निर्णय गरेको छ भने नावालिगको अभिभावकको लागि नेपाली नागरिकको लागि सिमकार्ड दिने प्रावधान अनुसार आधार मानेर नाबालिगलाई सिमकार्ड दिनसकिने व्यवस्था लागू गरिएको छ ।

सोहिअनुसार दूरसंचार सेवा प्रदायक कम्पनीहरुले सिमकार्ड सेवाग्राहीलाई उपलब्ध गराउने निर्देशन समेत प्राधिकरणले दिएको छ ।

TK Viber

प्रकाशित: २ चैत्र २०७६, आईतवार

Loading...