एप्पलले शुरु गर्यो ब्याट्रि रिप्लेसमेन्ट कार्यक्रम, यी आइफोन मोडलका स्मार्ट ब्याट्रि केसमा लागू हुने

Technology Khabar २७ पुष २०७६, आईतवार

एप्पलले शुरु गर्यो ब्याट्रि रिप्लेसमेन्ट कार्यक्रम, यी आइफोन मोडलका स्मार्ट ब्याट्रि केसमा लागू हुने

काठमाडौं । यदि तपाईँ एप्पलको आइफोन प्रयोगकर्ता हुनुहुन्छ भने खुशीको खबर छ । कम्पनीले आफ्ना केहि आइफोन मोडलहरुका लागि ब्याट्रि रिप्लेसमेन्ट कार्यक्रम शुरु गरेको छ ।

कम्पनीले सन् २०१८ मा लन्च गरेका आइफोनहरु जसमा आइफोन एक्सआर, आइफोन एक्सएस र आइफोन एक्सएस म्याक्स मोडलहरुमा सो कार्यक्रमको सुविधा उपलब्ध छन् । यी मोडका आइफोनहरुका लागि स्मार्ट ब्याट्रि केसको लागि नयाँ ब्याट्रि रिप्लेसमेन्ट कार्यक्रम ल्याएको हो ।

यो कार्यक्रमअन्तरगत दुई किसिमका प्रभावित भएका ब्याट्रि केसका विषयहरुलाई सम्बोधन गरिनेछ । पहिलो कारणमा केसको ब्याट्रि चार्जिंग नभएको वा बेलाबेलामा मात्र चार्जिंग हुने गरेको छ भने अर्को कारणमा केसले आइफोनलाई चार्ज नै गर्न नसकेको वा बेलाबेलामा मात्र आइफोनलाई चार्ज गरिरहेको ईस्यू लिईएको छ ।

यो नियम सन् २०१९ जनवरीदेखि २०१९ अक्टोबर महिनाभित्र उत्पादन गरिएका केसहरुका लागि लागि गरिएको छ । त्यसैले सो बिचमा उत्पादन गरिएका केसहरु प्रयोग गर्ने आईफोन प्रयोगकर्ताहरुमा मात्र सो कार्यक्रमका लागि छनौट हुनेछन् । त्यस्ता समस्या भएका प्रयोगकर्ताहरुले निशुल्करुपमा ब्याट्रि परिवर्तन गर्न पाउनेछन् ।

ग्राहकहरुले यसको लागि एप्पलको आधिकारीक सर्भिस दिने कम्पनी, एप्पल सपोर्ट वा एप्पल स्टोरमा सम्पर्क गर्न सक्ने बताईएको छ ।

एप्पलको स्मार्ट ब्याट्रि केस रिप्लेसमेन्ट प्रोग्राम विश्वभर लागू भएको जनाएको छ ।

प्रकाशित: २७ पुष २०७६, आईतवार

Comments are closed.

Loading...