Technology Khabar ११ आश्विन २०७६, शनिबार
काठमाडौं ।
काठमाडौं । गूगलले हालै आफ्नो अपरेटिंग सिस्टम एन्ड्रोयड १० को नयाँ एन्ड्रोयड गो भर्सन आधिकारीकरुपमा उपलब्ध गराएको छ ।
एन्ड्रोयड १० अपरेटिंग सिस्टम विशेषगरि सस्ता डिभाइसहरु जसमा सिमित हार्डवेयर फीचर राखिएका हुन्छन त्यसमा प्रयोग हुने गरेको छ । गूगलको एन्ड्रोयड गोको नयाँ भर्सनलाई एन्ड्रोयड १० गो एडिसन नामले चिनिनेछ ।
नयाँ भर्सनको प्लेटफर्म यसअघिको भन्दा तिब्रगतिको र अधिक सुरक्षाका साथ उपलब्ध हुनेछ ।
एन्ड्रोयड १० गो ले अधिकतम १.५ जीबी र्याम भएका स्मार्टफोनहरुमा राखिने अपेक्षा गरिएको छ । यसअघिको एन्ड्रोयड ९ गो भर्सनको तुलनामा नयाँ भर्सन १० प्रतिशत छिटो एप्स खोल्न सक्ने तथा नयाँ फीचर र सुविधायुक्त रहेको गूगलको भनाई छ ।
यसबाहेक एन्ड्रोयड गो भर्सनका डिभाइसहरुमा अब डिभाइस इन्क्रिप्सनको फीचर पनि राखिएको छ । यसले प्रयोगकर्ताको डिभाइस र डाटालाई सुरक्षित बनाउने छ । एडिएन्टमले बनाएको सो नयाँ किसिमको इन्क्रिप्सन फीचर विशेषगरि इन्ट्रि लेभलका डिभाइसहरुका लागि विकास गरिएको हो ।
एन्ड्रोयड १० गो एडिसनले गूगल एप्समा विभिन्न नयाँ फीचरहरु ल्याएको छ। जसमा आर्टिफिसियल इन्टेलिजेन्स सपोर्ट, यूट्यूब गो, ग्यालरी गो लगायत रहेका छन् ।
यसका साथै एन्ड्रोयड गो ईकोसिस्टमले थर्ड पार्टि एप्सहरु पनि सिमित हार्डवेयर कन्टेक्स्टमा उपलब्ध गराएको छ, जसमा उबर, फेसबुक मेसेन्जर, ट्विटर र स्पोटीफाई रहेका छन् ।
पछिल्लो१८ महिनामा एन्ड्रोयड गोमा ५०० उत्पादकहरुले सो प्लेटफर्ममा लगानी गरेका छन् । जसअन्तरगत १,५०० डिभाइस मोडलहरु विश्व बजारमा १८० देशहरुमा उपलब्ध छन् ।
गूगलले एन्ड्रोयड १० गो एडिसन घोषणा गरेपछि यूजर्सलाई कहिले उपलब्ध गराउने छ भन्ने जानकारी दिएको छैन् ।
प्रकाशित: ११ आश्विन २०७६, शनिबार