Technology Khabar १२ श्रावण २०७६, आईतवार
काठमाडौं ।
काठमाडौं । चिनियाँ स्मार्टफोन मेकर ह्वावेले सन् २०१९ को दोस्रो अर्ध वार्षिकसम्मा आफ्ना ६० प्रतिशत भन्दा बढि स्मार्टफोनहरुमा कम्पनीकै चीपसेट प्रयोग हुने अपेक्षा राखेको छ ।
कम्पनीले हिसिलिकन नामक चीपसेट भएका स्मार्टफोनहरु सन् २०१८ को तुलनामा थप बढि ल्याउने उल्लेख छ ।
हालै आएको एक रिपोर्टअनुसार सन् २०१९ मा करिब २७ करोड मोबाइलहरु आपूर्ति हुनेमध्ये १५ करोड भन्दा बढी ह्वावे ह्याण्डसेटहरुमा किरिन मोबाइल चीपसेट प्रयोग हुनसक्नेछ ।
कम्पनीले आफ्नै चीपसेटलाई अगाडि बढाईरहेको बेला कम्पनीका संस्थापक तथा सिईओ रेनझेनफेईले भने अमेरिकी चीपसेट मेकर क्वालकमसँग निरन्तर चीपसेट खरिद गर्ने बताएका छन् ।
रिपोर्टकाअनुसार ह्वावेले क्वालकमसँग कम्तिमा ५० मिलियन चीपसेट यूनिट खरिद गर्नेछ, जून सन् २०१८ मा रेकर्ड खरिद भएको थियो ।
हिसिलिकनको किरिन चीपसेट क्वालकमको स्न्यापड्रागन ८ सिरिजभन्दा पूरै फरक हुने बताईएको छ । तर ह्वावेले लो इण्डका चीपसेटहरु पनि क्वालकमसँग अझै किनिरहेको छ, जसमा एस६६० र एस ६३६ चीपसेट छन् ।
ह्वावेको हिसिलिकनको सेकेण्ड भर्सनको ७ नानोमिटर किरिन ८१० चीपसेट गएको जूनमा लन्च भएको थियो जून कम्पनीका मिडिल रेन्जका स्मार्टफोनहरुमा प्रयोग हुनेछ। एजेन्सी
प्रकाशित: १२ श्रावण २०७६, आईतवार