Technology Khabar २३ जेष्ठ २०७६, बिहीबार
काठमाडौं ।
काठमाडौं । स्मार्टफोन चार्जमा राखेको बेला पड्किने समस्या बेलाबेलामा आई नै रहन्छन् । स्मार्टफोन पड्किएर मृत्यु भएको समाचारहरु पनि आउने गर्दछ । अब फेरी एक पटक यस्तै घट्ना घटेको छ ।
हालै भएको एक घट्नामा भारतमा स्मार्टफोन चार्ज गरिरहेको बेला पड्किँदा एक बालकको मृत्यु भएको छ ।
रिपोर्टअनुसार भारतको मध्य प्रदेशको धार जिल्लामा स्मार्टफोन चार्जिंगको बेलामा बिस्फोट भएको छ। बिस्फोटको समय स्मार्टफोन चार्जमा जोडिएको थियो र यो घट्नामा एक १२ वर्षिय बालकको ज्यान गएको छ ।
हालै आएको एक रिपोर्टअनुसार धार जिल्लाको लिखेडी नामक गाउँमा बस्ते १२ वर्षको बालकको स्मार्टफोन चार्जिंगमा राखिएको बेला पड्किएको थियो । प्रहरीकाअनुसार मृतकको नाम लखन सिंगार थियो । ती बालकले चार्जमा राखेको स्मार्टफोन अचानक पड्किएको थियो सो घट्नामा बालकको मुख, एउटा आँखा र दुबै हातको हत्केला नराम्रोसँग जलेको थियो र क्षतबिक्षत भएको थियो ।
सो घट्नाबारेमा सो बालकका नातेदारकाअनुसार ठूलो धमाका भएको थियो र हेर्न जाँदा बालक जमिनमा लडेको थियो भने त्यहाँ चार्जको टुक्राहरु पनि छरिएका थिए । त्यसैगरि भित्तामा रहेको बिजुलीको बोर्ड पनि पड्किएर छुट्टिएको थियो ।
घाईते बालकलाई अस्पतालमा डाक्टरले मृत घोषित गरेका थिए ।
प्रहरी अनुसन्धान अगाडि बढाईएको बताईएको छ भने सो घट्नामा ब्याट्री निकै ठूलो किसिमले बिस्फोट भएको उल्लेख छ ।
यसरी सुरक्षित हुन सकिन्छ
स्मार्टफोन बिस्फोटको घट्ना हुने र आगो लाग्ने घट्नाहरु आजकाल सामान्य जस्तो हुन थालेको छ तर यस्तोमा चार्जिंगको बेला सावधानी अपनाउनुपर्ने हुन्छ । स्मार्टफोन चार्ज गर्दा स्मार्टफोनको साथमा आउने चार्जर मात्र प्रयोग गर्ने विज्ञहरुको सुझाव रहँदै आएको छ ।
त्यसैगरि स्मार्टफोनमा प्रयोग गरिने ब्याट्री पनि सस्तो नभई गुणस्तरीय र कम्पनीले उपलब्ध गराउने मात्र प्रयोग गर्दा सुरक्षित हुन सकिन्छ । अधिकांश स्मार्टफोन बिस्फोटको घट्नामा सस्तो र गुणस्तरहीन ब्याट्री र चार्जर कारक रहेको देखिएको छ ।
प्रकाशित: २३ जेष्ठ २०७६, बिहीबार