Technology Khabar १२ मंसिर २०७५, बुधबार
काठमाडौं ।
काठमाडौं । रियलमीले भारतीय बजारमा नयाँ स्मार्टफोन रियलमी यू वान (Realme U1) लन्च गरेको छ । यो स्मार्टफोन मिडियाटेकको नयाँ हेलियो पी ७० प्रोसेसरका साथमा आउने विश्वको पहिलो स्मार्टफोन हो । विशेषगरि भारतीय बजारमा फोकस गरिरहेको कम्पनीले रियलमी यू वानको दुईवटा भेरिएन्ट ल्याएको छ ।
कम्पनीले ३ जीबी र्याम र ४ जीबी र्याम अप्सनमा फोन ल्याएको छ जसको मूल्य भारतीय बजारमा ११ हजार ९९९ भारु त्था १४ हजार ९९९ भारु तेकिएको छ ।
यो स्मार्टफोन अमेजन डटकममा मात्र किन्न पाईनेछ, जून रेड, ब्ल्याक, गोल्ड कलर अप्सनमा उपलब्ध हुनेछ । यो फोनको पहिलो बिक्री अमेजन इण्डियाको साइटमा ५ डिसेम्बरदेखि शुरु हुनेछ ।
रियलमीको यू वान स्मार्टफोनमा २.१ गीगाहर्जको अक्टा कोर मिडियाटेक हेलियो पी ७० प्रोसेसर राखिएको छ । यसमा ६.३ इन्चको फूलएचडी प्लस डिस्प्ले राखिएको छ जसको रिजोल्यूशन २३४०ह१०८० पिक्सेल रहेको छ ।
फोनमा फोटोग्राफीका लागि ड्यूल रियर क्यामरा छ जसमा १३ मेगापिक्सेल प्लस २ मेगापिक्सेलको लेन्स राखिएको छ । त्यस्तै फ्रन्टमा सेल्फीका लागि २५ मेगापिक्सेलको क्यामरा रहेको छ ।
स्मार्टफोन ३२ जीबी र ६४ जीबी स्टोरेज अप्सनमा आउँछ भने यसलाई माइक्रोएसडी कार्डबाट बढाउन सकिन्छ ।
ब्याकप्यानलमा फिंगरप्रिन्ट सेन्सर भएको स्मार्टफोनमा ३५०० एमएएचको ब्याट्री प्याक छ । फोनमा ब्लूटूथ, वाईफाई, सिम कार्ड, फोरजी भीओएलटिई, ड्यूल सिम कार्ड सपोर्ट रहेको छ ।
प्रकाशित: १२ मंसिर २०७५, बुधबार
