स्काइपको लाइट भर्सन स्काइप लाइट एप, अब टूजीमा स्काइप चलाउन सजिलो

Technology Khabar १३ फाल्गुन २०७३, शुक्रबार

स्काइपको लाइट भर्सन स्काइप लाइट एप, अब टूजीमा स्काइप चलाउन सजिलो
Classic Tech

काठमाडौं, १३ फागुन । माइक्रोसफ्टले बुधवारदेखि स्काइपको नयाँ भर्सन सार्वजनिक गरेको छ । कम्पनीले भिडियो म्यासेजिंग एप स्काइपको नयाँ भर्सन स्काइप लाइट (Skype lite) सार्वजनिक गरेको हो ।

यो एप भारतमा विकास गरिएको हो जुन सुस्त गतिको इन्टरनेटमा पनि प्रयोग गर्न सहज हुनेछ । यो नयाँ एप टूजी नेटवर्कका प्रयोगकर्ताहरुका लागि सहज हुनेगरि सार्वजनिक गरिएको हो ।

नयाँ एप म्यासेजिंग, अडियो तथा भिडियो कलिंग कम ब्याण्डविदमा पनि प्रयोग गर्न सकिन्छ । भारतीय बजारमा यसलाई आधार कार्डसँग पनि जोडिएको छ । स्काइप लाइटलाई भेरिफिकेसन गर्नका लागि आधार नम्बरको प्रयोग गर्न सकिनेछ ।

माइक्रोसफ्टका सीईओ सत्या नाडेलाले भारतमा आयोजित फ्यूचर डिकोडेड कार्यक्रममा भने,’१३ एमबी आकारको यो नयाँ एप एन्ड्रोयड डिभाइलका लागि मात्र उपलब्ध छ तथा यसलाई विशेषगरि डाटा बनाउनका लागि डिजाइन गरिएको हो ।’

विशेषगरि भारतका लागि केन्द्रित गरेर बनाईएको यो एपमा अंग्रेजी बाहेक हिन्दि, गुजराती, बंगाली, लगायतका भाषा पनि सपोर्ट गर्दछ ।

स्काइप लाइटमा डाटा फ्रेण्डली फिचर राखिएको छ, जसले प्रयोगकर्तालाई कति डाटा प्रयोग गरिएको छ भनेर जानकारी दिन्छ ।

यसका साथै मोबाइल डाटा तथा वाईफाई डाटा दुबै प्रयोगका बारेमा फरक फरक जानकारी दिन्छ । यसको नयाँ फिचरका साथ यूजरले मल्टिमिडिया फाइल डाउनलोड नगरिकन नै शेयर गर्दछ ।

माइक्रोसफ्टले यस बाहेक स्काइप लाइटसँगै डार्क थीम पनि सार्वजनिक गरेको छ, जसले राती फोन प्रयोग गर्नेहरुलाई ध्यानमा राखेर बनाएको हो ।

TK Viber

प्रकाशित: १३ फाल्गुन २०७३, शुक्रबार

Loading...