नेपाल इन्भेष्टमेण्ट बैंकको २० प्रतिशत बोनस सेयर तथा २१ प्रतिशत नगद लाभांश

काठमाडौं ।

काठमाडौँ, १२ असोज । नेपाल इन्भेष्टमेण्ट बैंकले ३०औँ वार्षिक साधारण सभा असोज ११ गते काठमाडौँमा सम्पन्न गरेको छ । साधारण सभाबाट बैंकले आफ्ना शेयरधनीहरूलाई कुल चुक्ता पुँजीको २० प्रतिशत बोनस सेयर, तथा २१ प्रतिशत नगद लाभांश पारित गरेको छ ।
यो वर्ष बैंकले आफ्नो चुक्ता पुँजी वृद्धि गरी रू. ८ अर्ब ७१ करोड र कुल पुँजी कोष रू. १६ अर्ब २९ करोड पु¥याएको छ ।

भुवनेश्वरप्रसाद शाह तथा निराजनमान श्रेष्ठलाई साधारण शेयरधनीहरूको प्रतिनिधित्व गर्दै सञ्चालकका रूपमा तथा विनोदकुमार गुरागाईँलाई विगतको राष्ट्रिय वाणिज्य बैंकको प्रवद्र्धन समूहको प्रतिनिधित्व गर्दै सञ्चालक नियुक्त गरिएको बैंकले जानकारी दिएको छ ।

चालु आ.व.मा नेपाल इन्भेष्टमेण्ट बैंकले रू. ४ अर्ब १३ करोडको सञ्चालन नाफा कमाएको छ । त्यसै गरी खूद नाफा ३०.०२ प्रतिशत ले बढेर रू. २ अर्ब ५५ करोड पुगेको छ । बैंकको निक्षेप १९.८६ प्रतिशत ले बढेर रू. १ खर्ब ८ अर्ब ६३ करोड पुगेको छ । बैंकको कर्जा लगानी २८.५४ प्रतिशतले बढेर रू. ८७ अर्ब १ करोड पुगेको छ । बैंकका ४७ शाखारहित बैंकिङ सेवा, ८२ ए.टि.एम. सेवा, र ५ लाख ५० हजार कार्डवाहक ग्राहकहरू रहेको जनाएको छ ।