मोबाइल फोनबाट नै बत्ती बाल्न सकिने स्मार्ट चीम, १६० लाख किसिमको रंगमा बत्ती

काठमाडौं ।

काठमाडौं, २० कात्तिक । इन्डियन स्टार्ट-अप क्यूब२६ (Cube26) ले यस्तो बल्ब (चीम) सार्वजनिक गरेको छ जुन मोबाइल एपद्धारा संचालन गर्न सकिन्छ । यो बल्बको नाम ‘आईओटिए लाइट'(Internet of Things Accessories) राखिएको छ । यो बल्ब शुक्रबारदेखि भारतीय बजारमा ईकमर्श साइट फ्लिपकार्टमा खरिद गर्न सकिन्छ ।

केहि दिन अगाडि भारतीय बजारमा लन्च गर्दै कम्पनीका प्रमुख कार्यकारी अधिकृत सौरव कुमारले आईओटिए लाइटका साथै भारतको आईओटी सेगमेन्टमा पाइला चालेको बताए । उनले स्मार्ट होम कन्सेप्टलाई सफल बनाउन यो लाइटिंग सबैभन्दा महत्वपूर्ण हुनसक्ने आशा व्यक्त गरे ।

यो बल्ब बाल्नका लागि प्रयोगकर्ताको स्मार्टफोनमा कम्पनीको एप्लीकेशन हुनुपर्नेछ । यो एपद्धारा बल्बलाई कनेक्ट गरेर यसमा उपलब्ध रहेका १ सय ६० लाख कलर्स (रंगहरु)मध्ये आफुलाई मन पर्ने कलर छनौट गर्न सकिनेछ । आफ्नो छनौट अनुसारको कलरमा उक्त बल्ब विद्युतबाट बाल्न सकिन्छ ।

यो स्मार्टफोनको सबैभन्दा रोचक र अनौठो फीचर भनेको फोन कल र एसएमएस अलर्ट हो । प्रयोगकर्ताको फोनमा कल आएमा यो बल्ब फरक कलरमा चम्किन्छ त्यस्तै एसएमएस अलर्ट आएमा पनि अन्य कलरमा बल्बले उज्यालो दिन्छ । जसले गर्दा प्रयोगकर्ताको फोन साइलेन्ट मोडमा भएपनि फोन र एसएमएस आएको थाहा हुन्छ । त्यसैगरी यसमा म्यूजिक सिन्क्रोनाइज गर्न, वेदर अलर्टजस्ता फीचर पनि राखिएको छ भने आफ्नो मूड अनुसारको कलर छनौट गर्न सकिन्छ ।

स्मार्टफोन, ट्याबलेट, कनेक्टेड भेहिकल्स तथा एप्लाइन्सेसको जस्तै आईओटी इन्टर कनेक्टेड डिभाइसको नेटवर्क हो जसले डिभाइसको अधिकांश डाटामा सम्बन्धित जानकारी दिन्छ ।

यो बल्ब १ लाख ५० हजार घण्टासम्म प्रयोग गर्न सकिने कम्पनीले दाबी गरेको छ । ७ वाटको यो स्मार्ट बल्बमा टेक्सास इन्स्ट्रुमेन्ट माइक्रोप्रोसेसर राखिएको छ भने तोसिवाको एलईडी प्रयोग गरिएको छ ।

सात वाटको यो स्मार्ट बल्बले ५०० वटा ल्यूमिनेस ब्राइटनेश दिन्छ । यो बल्ब संचालन गर्नका लागि एन्ड्रोयडको प्ले स्टोरमा एप उपलब्ध रहेको छ जुन एपले ब्लूटूथ ४.० भर्सनद्धारा नियन्त्रण गर्दछ ।

कम्पनीले यो बल्बको मूल्य भारतीय बजारमा १,८९९ भारु तोकेपनि लन्चिंग पिरियडमा अहिले १,९९९ भारुमा बिक्री गरिरहेको छ ।