इन्टेक्सको ‘एक्वा सेन्स ५.०’ नेपाली बजारमा, थाइल्याण्डबाट नयाँ फोन भित्रिएको घोषणा

Technology Khabar १९ भाद्र २०७२, शनिबार

इन्टेक्सको ‘एक्वा सेन्स ५.०’ नेपाली बजारमा, थाइल्याण्डबाट नयाँ फोन भित्रिएको घोषणा

काठमाडौं, १९ भदौ । नेपालका लागि इन्टेक्स स्मार्टफोनको आधिकारीक आयातकर्ता तथा बितरक ईओएल प्रालिले इन्टेक्स एक्वा सेन्स ५.० (Intex Aqua Sense 5.0) स्मार्टफोन नेपाली बजारमा भित्र्याएको छ ।

ईओएल प्रालिले थाइल्याण्डको पटायामा आयोजना गरेको इन्टेक्स डिस्ट्रिव्यूटर्स सम्मेलनका क्रममा नेपाली बजारमा इन्टेक्स एक्वा सेन्स ५.० स्मार्टफोन भित्र्याएको घोषणा गरेको हो ।

उक्त स्मार्टफोन एन्ड्रोयडको किटक्याट ४.४.२ मा आधारित रहेको छ । उक्त स्मार्टफोनमा एलईडि फ्ल्याशसहित ५ मेगापिक्सेलको अटोफोकश रियर क्यामरा रहेको छ भने सेल्फीका लागि भिजीए फ्रन्ट क्यामरा राखिएको छ ।

intex_aqua_sense_5
फोटो: गूगल

उक्त फोनमा १.२ गीगाहर्जको क्वाड कोर प्रोसेसर छ भने ५१२ एमबी र्याम राखिएको छ । इन्टेक्सको यो फोनमा ८ मेगापिक्सेलको इन्टरनल स्टोरेज राखिएको छ, जसलाई माइक्रो एसडी कार्डको सहयोगमा बढाउन सकिन्छ ।

इन्टेक्सको एक्वा सेन्स ५.० मा ५ इन्चको आईपीएस डिस्प्ले राखिएको छ, जसको रिजोल्यूशन ९६०X५४० पिक्सेल रहेको छ ।

यो स्मार्टफोनमा कनेक्टिभिटीका लागि ब्लूटूथ, वाईफाई, यूएसबी तथा जीपीएसको अप्शन रहेको छ । इन्टेक्सको यो फोनमा दुई सिम सपोर्ट गर्दछ भने थ्रीजी प्रयोग गर्न सकिन्छ ।

इन्टेक्सको एक्वा सेन्स ५.० स्मार्टफोनको नेपाली बजारमा कति मूल्य पर्दछ भन्ने कुनै जानकारी कम्पनीले दिएको छैन् । विश्व बजारमा अगस्ट २०१५ मा सार्वजनिक भएको यो स्मार्टफोनको मूल्य भारतमा करिब ५,०००/- भारु पर्दछ ।

यसैबिच ईओएल प्रालिले इन्टेक्स डिस्ट्रिव्यूटर्स सम्मेलन गरेको छ । सिजी इलेक्ट्रोनिक्स प्रालिअन्तरगतको कम्पनीले थाइल्याण्डको पटायामा इन्टेक्स इण्डियासँगको सहकार्यमा डिस्ट्रव्यूटर भेला गरेको जनाएको छ ।MobilesKhabar_2

उक्त भेलामा नेपालभरीका ६५ जना इन्टेक्स स्मार्टफोनका डिस्ट्रिव्यूटर तथा व्यवस्थापन समूहको संलग्नता रहेको छ ।

डिस्ट्रिव्यूटर्स मिट २०१५ ले आर्थिक वर्ष २०७१/७२ को मूल्यांकन तथा २०७२/७३ को लक्ष्यको बारेमा छलफल गरेको बताईएको छ । त्यसैगरी गत आर्थिक वर्षका उत्कृस्ट डिस्ट्रिव्यूटर तथा उत्कृस्ट सेल्स पर्सनलाई पुरस्कृत गरिएको थियो ।

कार्यक्रममा चौधरी ग्रुपका वरिष्ठ महाप्रबन्धक रमेश श्रेष्ठले कुनैपनि व्यवसाय सफलहुनका लागि एकता र सहकार्य आवश्यक पर्ने बताए । उनले डिस्ट्रिव्यूटरहरुको कडा मेहनतले इन्टेक्स स्मार्टफोन नेपालमा सफल रहेको बताए ।

त्यसैगरी नेपालका लागि इन्टेक्स इण्डियाका कन्ट्रि हेड धर्मेन्द्र जोशीले नेपाली बजारलाई केन्द्रमा राखेर कम्पनीले ध्यान दिएको बताए । उनले नेपालमा स्मार्टफोनको संभावना धेरै रहेको भन्दै नेपालीको बजेट अनुसारका स्मार्टफोनहरु ल्याउने बताए ।MobilesKhabar_3

प्रकाशित: १९ भाद्र २०७२, शनिबार

Comments are closed.

Loading...