कारबाटै पोस्ट गर्न सक्षम हुने, इलन मस्कले भने–‘एक्स’ टेस्ला कारमा आउनेछ

काठमाडौं ।

इलन मस्कले गत वर्ष ट्विटर किनेका थिए र हाल यसलाई ‘एक्स’ मा रूपान्तरण गरिएको छ। त्यसपछि सब्सक्रिप्शनमा आधारित सेवा ल्याए र अब टेस्ला कारहरूमा एक्सलाई एकीकृत गर्ने तयारी भइरहेको छ।

विश्वको सबैभन्दा धनी व्यक्तिले आइतबार टेस्ला कार प्रयोगकर्ताहरूले छिट्टै ‘एक्स’ सोशल मिडिया प्लेटफर्मको साथ एकीकृत अनुभव पाउने बताएकाछन्। वास्तवमा, एक फलोअरले सोधेका थिए कि हामी एक्स एपलाई टेस्ला कारहरूमा एकीकृत गर्न सक्छौं, जवाफमा मस्कले भने, ‘चाँडै आउँदैछ।’

यसको अर्थ इलेक्ट्रिक कार मालिकहरूले टेस्ला प्रयोगकर्ता इन्टरफेस (यूआई) मा सफ्टवेयर अपडेट मार्फत ‘एक्स’ प्रयोग गर्न सक्षम हुनेछन्। कतिपय प्रयोगकर्ताले मस्कको यो कदमको प्रशंसा गरेका छन् भने धेरैलाई यो विचार मन परेन।

एक एक्स प्रयोगकर्ताले पोस्ट गर्दै यस्तो कार्य इन्जिनियरिङ समयको बर्बादी भएको बताएका छन्। ड्राइभिङ गर्दा एक व्यक्ति सक्रिय रूपमा एप प्रयोग गर्न सक्ने कुनै तरिका छैन। मानिसहरूले घाँटी झुकाउनु पर्ने भएकाले टाइपिङमा थप कठिनाइ हुने विश्वास थियो। यसले ड्राइभिङलाई चुनौतीपूर्ण बनाउने उनको भनाई थियो।

तर यो सेवा कहिले र कस्तो रुपमा आउँछ भन्ने कुनै जानकारी छैन्।