ह्वावेको नयाँ रिलीजले चीनको स्मार्टफोन बजारमा पुनरुत्थानको संकेत

काठमाडौं ।

ह्वावेको नयाँ रिलीजले चीनको स्मार्टफोन बजारमा पुनरुत्थानको संकेत गरेकाे छ।

काउन्टरपोइन्टका वरिष्ठ अनुसन्धान विश्लेषक इभान लामकाअनुसार नयाँ रिलीजहरूले चीनको स्मार्टफोन बजारमा ठूलो आत्मविश्वास ल्याएको बताइएकाे छ।

सन् २०२३ को पहिलो आठ महिनामा गत वर्षको सोही अवधिको तुलनामा चीनमा स्मार्टफोन उत्पादन ७.५ प्रतिशतले घटेको छ। उद्योग तथा सूचना प्रविधि मन्त्रालयकाअनुसार चीनमा स्मार्टफोन उत्पादन ७.५ प्रतिशतले घटेको छ।

बजार अनुसन्धान फर्म काउन्टरपोइन्टले उल्लेख गरे अनुसार बिक्री पनि ४ प्रतिशतले घटेको उल्लेख छ।२०१४ यताको सबैभन्दा कम दोस्रो-क्वार्टरको तथ्याङ्कमा पुगेको बताइएकाे छ।

ह्वावे टेक्नोलोजीहरू र फाइभजी इनेबल मेट ६० प्रो श्रृंखलाको हालैको सुरुवातबाट भने एक्स्पर्टहरु आशावादी छन्।

ह्वावेको बिक्री पहिले नै यस वर्षको पहिलो आठ महिनामा गत वर्षको तुलनामा ४१ प्रतिशत बढेको उल्लेख  छ। कम्पनी सप्लाइ चेन इस्यूहरूबाट फिर्ता भएको देखिन्छ, र मेट ६० प्रो ५ जीको लागि लो- की प्रिसेल्स अभियान सहित यसको रेगुलर प्रोडक्ट लन्च साइकलमा फर्केको बताइएको छ।

मेट ६० प्रो श्रृंखला ह्वावेको ट्रम्प कार्ड हुन सक्ने उल्लेख छ। यसले एण्ड्रोइडको विकल्प हार्मोनी ओएसको विशाल घरेलु प्रयोगकर्ता आधारमा ट्याप गर्छ। यी नयाँ फाइभजी मोडलहरूले नयाँ ग्राहकहरूलाई आकर्षित गर्ने मात्रै नभएर अन्य ब्रान्डहरूमा स्विच गरेकाहरूलाई पनि आकर्षित गर्न सक्ने बताइएको छ।

काउन्टरपोइन्टले यी ह्यान्डसेटहरूको बिक्री वर्षको अन्त्यसम्ममा पाँचदेखि ६० लाख युनिटसम्म पुग्ने अनुमान गरेको गिज्माेचाइनामा उल्लेख छ।