ह्वावेले एप ग्यालरीबाट ३२ बिटका एपहरु हटाउने

काठमाडौं ।

ह्वावेले एप ग्यालरीबाट सबै ३२ बिट एपहरु हटाउने सम्बन्धमा डेभलपर्सहरुलाई सूचित गराउन सुरु गरेको छ। प्लेटफर्ममा ६४–बिट एपहरूको अनुकूलन दर बढाउनको लागि गरिएको हो र यो कदमलाई शाओमी, भिभो र ओप्पोले पनि पछ्याउने विश्वास गरिएको ह्वावे सेन्ट्रलले उल्लेख गरेको छ।

गत वर्ष ह्वावेले १ सेप्टेम्बर २०२२ देखि एपग्यालेरीमा नयाँ ३२–बिट एपहरूलाई समर्थन गर्न बन्द गर्ने घोषणा गरेको थियो। साथै, कम्पनीले सबै डेभलपर्सलाई १ फेब्रुअरी २०२३ देखि एप ग्यालरीमा ६४ बिट एपहरु अपलोड गर्न सूचित गरेको थियो।

ह्वावेले एप ग्यालेरीबाट १ अगस्ट २०२३ देखि आधिकारिक रूपमा ३२–बिट एपहरू हटाउन सुरु गर्नेछ। त्यसपछि, केवल ६४–बिट एपहरू शेल्फहरूमा रहनेछन्। ह्वावले यो कदम एप्लिकेसनको कार्यसम्पादन अनुभवमा सुधार गर्ने र एप्लिकेसनको बिजुली खपतको प्रभावलाई कम गर्न मद्दत गर्ने बताएको छ।

एप्लिकेसनको लागि सर्वोत्तम पर्फमेन्स सुनिश्चित गर्नका लािग डेभलपर्सको लिस्टिङमा एपको ६४–बिट भर्सनमा अपलोड गर्नुपर्नेछ। वैकल्पिक रुपमा एपग्यालेरीले एएबी फर्मम्याटमा सफ्टवेयर प्याकेजहरुलाई पनि सपोर्ट गर्छ।

एप बन्डलको वितरण चरणमा, एएबी प्याकेज सम्बन्धित डिभाइसको सीपीयू प्रकार अनुसार विभाजित हुनेछ। त्यसपछि लचिलो वितरणको लागि सम्बन्धित एपीके प्याकेज गरियो। समग्रमा यसले प्रभावकारी रुपमा एप ग्यालरीमा एपको संख्या कम गर्न मद्दत गर्छ।

यस वर्षदेखि, नयाँ आर्म–आधारित एन्ड्रोइड फोनहरूले ३२–बिट एपहरुको स्थापना र प्रयोगलाई अस्वीकार गर्दैछन्। ३० मार्च २०२३ सम्म ओप्पो, भिभो र शाओमी फोनहरुमा प्रयोग गरिएका एपहरुको अनुकूलन दर करिब ९३ प्रतिशत छ। र, सबै एपहरुको अनुकूलन दर ९० प्रतिशत पुगेको छ।