गुगलले ल्यायो ‘फाइण्ड माइ डिभाइस’ नेटवर्क, हराएको वस्तु सजिलै फेला पार्न सक्ने

काठमाडौं ।

गुगलले आफ्नो फाइण्ड माइ डिभाइस (Find My Device) प्लेटफर्मलाई अगाडि बढाउन र विस्तार गर्न गइरहेको छ। यसपछि यसले कुनै पनि वस्तु वा उपकरणको लोकेशन ट्र्याकिङको लागि काम गर्नेछ, भने यसले एप्पल र टाइलको जस्तै काम गर्नेछ।

गुगल आई/ओ २०२३ कीनोट भित्र, गुगलका समीर सामतले घोषणा गरेअनुसार फाइन्ड माई डिभाइस आगामी महिनाहरूमा हेडफोन, इयरबड, ट्याब्लेट र अन्य उत्पादन कोटीहरूमा प्रयोग गरिने छ। यद्यपि केही उपकरणहरूमा पहिले नै समर्थन छ, तर यसको क्षमताहरू सीमित छन्।

गुगलको इभेन्टमा भनिएको थियो कि नेटवर्कको सबैभन्दा खराब अवस्थामा पनि प्रयोगकर्ताले आफ्नो उत्पादन सजिलैसँग फेला पार्न सक्नेछन्। विश्वमा रहेका करोडौं एन्ड्रोइड उपकरणबाट यस नेटवर्कको पावर आएको सामतले बताए। टाइल र चिपोलो सहित धेरै तेस्रो-पक्ष फर्महरू, जसले ट्र्याकिङ ट्यागहरू बनाउँछ, उनीहरुले यसलाई अद्यावधिक गर्न काम गर्नेछन।

उनीहरुले गोपनीयतालाई ध्यानमा राखेर यो नेटवर्क डिजाइन गरेका हुन्। गुगलका उपाध्यक्षले बताएअनुसार ध्यानमा राख्नु पर्ने कुरा भने डिभाइसको लोकेशन डाटा इन्क्रिप्टेड फर्ममा रहन्छ, जुन कम्पनीले पनि देख्न सक्दैन।

गुगलको फाइण्ड माइ डिभाइस कार्यक्रम पहिले देखि नै अवस्थित छ, जसमा स्मार्टफोन सजिलै खोज्न सकिन्छ। तर, यसमा इन्टरनेट कनेक्सन भएको अवस्थामा मात्रै यो डिभाइसले काम गर्छ। यस्तो अवस्थामा प्रयोगकर्ताले पनि धेरै घाटा बेहोर्नु परेको छ।