गुगलले १२ हजार जागिरहरू कटौती गर्दै

काठमाडौं ।

गुगलले आफ्ना कामदारहरु मध्ये लगभग १२ हजार जागिरहरू कटौती गर्दैछ। विश्वभर मुद्रास्फीति बढ्दै जाँदा र विश्वव्यापी बजारहरू मन्दीमा पर्दा महत्त्वपूर्ण छाँटकाँटहरू सुरु गर्न नवीनतम प्रविधि फर्महरुलाई दबाब परेको छ।

ब्लूमबर्ग न्यूजले रिपोर्ट गरेअनुसार, गुगल एसईओ सुन्दर पिचाईले शुक्रबार कर्मचारीहरूलाई इमेलमा कटौतीको घोषणा गरे। माइक्रोसफ्टमा (१०,००० जागिर वा कार्यबलको ५ प्रतिशत), अमेजन (१८,००० जागिर/ ६ प्रतिशत), र मेटा (११,०००/१३ प्रतिशत) मा हालैको कटौतीको तुलनामा, रोजगारी गुमाउनेको संख्या गुगलको विश्वव्यापी कार्यबलको लगभग ६ प्रतिशत पुग्दछ।

यस महिनाको सुरुमा, गुगलको अभिभावक कम्पनी अल्फाबेटले  यसको स्वास्थ्य-केन्द्रित सहायक भेरिली, र औद्योगिक रोबोटहरूको लागि सफ्टवेयर विकास गर्ने सहायक कम्पनी इन्ट्रिन्सिकमा धेरै सानो कटौतीको घोषणा गर्यो।

कर्मचारीहरूलाई इमेलमा, पिचाईले भने, “कम्पनीले हाम्रो फोकस तिखार्नेछ, हाम्रो लागत आधारलाई पुन: इन्जिनियर गर्नेछ, र हाम्रो प्रतिभा र पूंजीलाई हाम्रो उच्च प्राथमिकताहरूमा निर्देशित गर्नेछ।”

सीईओले आर्टिफिसियल इन्टेलिजेन्स अगाडि बढ्ने प्रमुख क्षेत्र हुने उल्लेख गरे।

गुगलले २०१४ मा अनुसन्धानमा केन्द्रित एआई ल्याब डीपमाइन्डको अधिग्रहण जस्ता लगानीहरूसहित एआईमा महत्त्वपूर्ण प्रारम्भिक अग्रता हासिल गर्यो।

तर कम्पनीले हालैका महिनाहरूमा ओपनएआई जस्ता थप साहसी प्रतिद्वन्द्वीहरूद्वारा चुनौती भोगिरहेको छ, जसले गत वर्ष वेबमा आफ्नो चर्चित एआई च्याटबोट च्याटजीपीटी सुरू गर्यो। ओपनएआईले गुगल प्रतिद्वन्द्वी माइक्रोसफ्टसँग गहिरो साझेदारी बनाएको छ, र माइक्रोसफ्टले आफ्नो एआई प्रविधिलाई सर्च र अफिस सफ्टवेयर जस्ता उत्पादनहरूमा एकीकृत गर्ने वाचा गरेको छ।