Technology Khabar २७ श्रावण २०७९, शुक्रबार
काठमाडौं ।
शाओमीले केही समयअघि साइबरडग रोबोट प्रस्तुत गरेको थियो। अब चिनियाँ प्रविधि कम्पनीले मानिसजस्तै रोबोट ल्याएको छ। यो कम्पनीको पहिलो फुल साइजको मानवीय रोबोट हो।
साइबरवन नामबाट ल्याइएको यो रोबोटको लम्बाइ १७७ सेमी अर्थात् ५ फिट ८ इन्च रहेको छ, जुन मानिसको औसत उचाइ हो। कम्पनीले यो मानव जस्तो मानवीय रोबोटको नाम ‘मेटल ब्रो’ राखेको छ।
चिनियाँ कम्पनीको यो रोबोटको उपनाम बडी फ्रेन्डको लाइनमा राखिएको छ, जसलाई तपाई मानिसको साथी भन्न सक्नुहुन्छ। १७७ सेमी लामो यो रोबोटको तौल ५२ किलो छ।
यसको अनुहारमा घुमाउरो ओएलईडी प्यानल प्रयोग गरिएको छ, जसको मद्दतले यसले थ्रीडी अर्थात् तीनै आयाममा हेर्न सक्छ। यसको दुवै कानमा दुईवटा माइक्रोफोन दिइएको छ।
यो मानवीय रोबोट शाओमीद्वारा विकसित बडी कंट्रोल एल्गोरिदममा काम गर्दछ। यसको गतिबिधिको लागि, २१ ज्वाइन्टहरू दिइएको छ, जुन एल्गोरिदम मार्फत नियन्त्रण गरिन्छ। यो रोबोटले मानिसजस्तै ४५ प्रकारका भावनाहरूलाई इंटरसेप्ट गर्न सक्ने कम्पनीको दाबी छ।
यसका साथमा, यसले ८५ इनभाइरोमेन्टल सिमेन्टिक्स पहिचान गर्न सक्छ। साथै कम्पनीले यो रोबोटले दैनिक नयाँ सीप सिक्न सक्ने दाबी गरेको छ।
शाओमी साइबरवन (Xiaomi CyberOne) कम्पनीको रोबोट ल्याबमा बनाईएको हो, जसले मेकाट्रोनिक्स र आर्टिफिसियल इन्टेलिजेन्स प्रयोग गर्दछ।
यद्यपि, कम्पनीले यो पहिलो पुस्ताको उत्पादन भएको पनि बताएको छ, जसमा सुधारको अपार सम्भावना रहेको छ। साथै, यो अझै विकास चरणमा छ। शाओमी साइबरवनले टेस्लाको ह्युमनोइड प्रोटोटाइपसँग सीधा प्रतिस्पर्धा गर्नेछ।
शाओमीले आफ्नो पहिलो जेनरेशनको साइबरवन ह्युमनोइड रोबोट बनाउन करिब ६ लाख देखि ७ लाख चिनियाँ युआन अर्थात् ८९,१०० देखि १०४,००० अमेरिकी डलर खर्च गरेको छ।
I was both nervous and thrilled to interact with him on stage. What did you think of his performance tonight? #CyberOne pic.twitter.com/Je1eXDYEGR
— leijun (@leijun) August 11, 2022
प्रकाशित: २७ श्रावण २०७९, शुक्रबार