आईक्लाउड प्रयोगकर्ताको डाटा रुसमा भण्डारण गर्न अस्वीकार गरेकोमा एप्पललाई जरिवाना

काठमाडौं ।

रुसले एप्पलका रुसी नागरिकसँग सम्बन्धित प्रयोगकर्ताको आईक्लाउड डाटा घरेलु रूपमा भण्डार गर्न माग गरेको छ। तर यो मागलाई एप्पलले पालन गर्न अस्वीकार गरेको देखिन्छ।

मस्कोको एक अदालतले अमेरिकी प्राविधिक कम्पनी एप्पललाई रुसी भूमिमा रुसी नागरिकको डाटा भण्डारण गर्न अस्वीकार गरेको आरोपमा मंगलबार २० करोड रूबल (३३,९०० डलर) जरिवाना गरेको इन्टरफ्याक्स समाचार एजेन्सीले रिपोर्ट गरेको छ।

रुसले फेब्रुअरी २४ मा युक्रेनमा आफ्ना सशस्त्र बलहरू पठाएपछि मस्कोले बिग टेकसँग सामग्री, सेन्सरशिप, डाटा र स्थानीय प्रतिनिधित्वलाई लिएर झगडा गरेको छ।

एप्पलले आफ्नो सीमा भित्र भौतिकरूपमा अवस्थित प्रयोगकर्ता डाटा राख्न रसियाको इच्छाको पालना नगरेको देखिन्छ, र यो चीनसँग यस्तै काम गर्न इच्छुक रहेको छ।

एप्पलले संसारभरि करिब एक दर्जन भन्दा बढी डाटा सेन्टरहरू चलाउँछ; जसमध्ये केहि अमेरिकामा, डेनमार्कमा एक र चीनमा केही छन्। आईक्लाउड (इन्क्रिप्टेड) डाटा तेस्रो-पक्षीय क्लाउड भण्डारण सेवाहरू जस्तै गुगल क्लाउड (यसको प्लेटफर्ममा ८ एक्साबाइट डाटा भण्डारण गर्दै) र माइक्रोसफ्ट एजुरमा पनि भण्डारण गरिएको छ।

२०१६ मा स्थानीय कानून परिवर्तनहरू पछि, एप्पलले जीसीबीडीद्वारा संचालित चिनियाँ डाटा केन्द्रहरूमा सबै चिनियाँ प्रयोगकर्ता आईक्लाउड  डाटा होस्ट गर्दछ, र यसको लागि आंशिक रूपमा सरकारी स्वामित्वको चाइना टेलिकमको क्लाउड सेवा प्रयोग गर्ने ९ टू ५ म्याकले रिपोर्ट गरेको छ।

एप्पलले त्यहाँ भण्डारण गरिएका कुनै पनि डाटाका लागि इन्क्रिप्शन कीमार्फत नियन्त्रण गर्छ, र यो चिनियाँ सरकारको पहुँचमा छैन।