स्मार्टफोन निर्माता शाओमीले १.२९ अर्ब डलरको आफ्नो शेयर पुनः खरिद गर्दै

काठमाडौं ।

चीनको स्मार्टफोन निर्माता शाओमी कर्पले बिहीबार आफ्नो कम्पनीको शेयर बजारबाट पुन किन्ने अर्थात वाइब्याक गर्ने घोषणा गरेको छ।

कम्पनीले शेयर वाइब्याक कार्यक्रम अन्तर्गत खुला बजारमा १.२९ अर्ब डलर सम्मको शेयर किन्ने छ, यद्यपि यसको शेयर मूल्य निरन्तर ओरालो लागिरहेको छ।

शाओमीको सेयरले आफ्नो मूल्यको एक तिहाइ भन्दा बढी गुमाइसकेको छ किनभने चिनियाँ सेनासँग कथित सम्बन्धको आरोपमा संयुक्त राज्य अमेरिकाले जनवरीको मध्यमा कम्पनीलाई कालोसूचीमा राखेको थियो ।

सो निर्णयका कारण अमेरिकी लगानीकर्ताहरूलाई उनीहरूको होल्डिङ्ग डाईभेस्ट गर्न अर्थात परिवर्तन अनिवार्य रूपमा बाध्य पार्दछ।

कालोसूचीमा राखेपनि अमेरिकी उपकरण र प्रविधिहरु किन्नलाई भने रोक लगाएको छैन् । अमेरिकाको सो निर्णयले अन्तराष्ट्रिय बजारमा भने शाओमी दबाबमा रहेको छ।

‘बोर्डले विश्वास गर्दछ कि वर्तमान अवस्थामा शेयर रिपर्चेजले कम्पनीको आफ्नै व्यवसायको दृष्टिकोणमा विश्वास प्रदर्शन गर्दछ र शेयर लगानीकर्ताहरूको लागि मूल्य सिर्जना गर्दछ,’ शाओमीले एक विज्ञप्तिमा भन्यो।

कम्पनीको बोर्डले गत वर्ष जुनमा अधिकतम ३१ अर्ब हङ्गकङ्ग डलर बराबरको १० प्रतिशत आफ्नो सेयर फिर्ता किन्न संकल्पलाई अनुमोदन गरेको थियो।