जेफ बेजोसको अन्तरिक्ष कम्पनी ब्लू ओरिजिनले महिलालाई सबैभन्दा पहिले चन्द्रमामा पुर्याउने

काठमाडौं ।

जेफ बेजोसको अन्तरिक्ष कम्पनी ब्लू ओरिजिनले पहिलो महिलालाई चन्द्रमाको सतहमा लैजाने भएको अर्बपतिले शुक्रबार बताएका छन् ।

नासाले २०२४ सम्ममा चन्द्रमामा अन्तरिक्ष यात्रीहरू पठाउन सक्षम पहिलो निजी चन्द्र ल्याण्डरहरू छनौट गर्ने निर्णय गरिरहेको बेलामा उनले सो कुरा बताएका हुन्।

‘यो (बीई-७) इन्जिन हो जसले पहिलो महिलालाई चन्द्रमाको सतहमा लैजानेछ,’ बेजोसले इन्स्टाग्राममा एक पोस्ट राख्दै गत साता अलाबामाको हन्ट्सभिलमा नासा मार्शल अन्तरिक्ष उडान केन्द्रमा इन्जिन परीक्षणको एक भिडियोसहित भने। ।

बीई-७ इञ्जिन, जसलाई ब्लू ओरिजिनले वर्षौंदेखि विकास गर्दैछ, यसको १,२४५ सेकेन्डको टेस्ट-फायर समयको हो र यसले कम्पनीको ‘नेशनल टीम ह्यूमन ल्याण्डिंग सिस्टम लूनार ल्यान्डर’ लाई शक्ति प्रदान गर्नेछ।

ब्लू ओरिजिनले ‘राष्ट्रिय टीम’ लाई प्रमुख कन्ट्र्याक्टरको रूपमा नेतृत्व गर्दछ जुन २०१९ मा यसको ब्लू मून ल्यान्डर निर्माण गर्नका लागि मद्दत गर्न गठन भएको थियो। त्यो टोलीमा लकहीड मार्टिन कर्प, नर्थ्रोप ग्रुम्मन कर्प र ड्रपर समावेश छन।

गत अप्रिलमा, नासाले ब्लू ओरिजिनको टोलीलाई ५७९ मिलियन डलरको एक चन्द्र यान विकास सम्झौताअन्तरगत प्रदान अवार्ड गरेको थियो ।यसका साथै दुई अन्य कम्पनीहरू स्पेसएक्सले १३५ मिलियन डलर आफ्नो स्टारशिप प्रणालीको विकास गर्न मद्दत गर्न प्राप्त गरेको छ भने लिडोस स्वामित्वको डायनेटिक्सले २५३ मिलियन डलर जित्यो। रोयटर्स