गूगल प्ले स्टोर नै मोबाइलमा एन्ड्रोइड मालवेयर फैलाउने प्रमुख स्रोत

काठमाडौं ।

प्रायः विज्ञहरू सल्लाह दिन्छन् कि यदि तपाई आफ्नो फोनलाई भाइरसबाट जोगाउन चाहनुहुन्छ भने गूगलको एप स्टोरबाट  मात्रै एप्स डाउनलोड गर्नुपर्छ। कुनै पनि तेस्रो पक्षिय एप इन्स्टल गर्नबाट बच्नु पर्छ।

तर तपाईलाई यो जान्दा चकित हुनेछ कि मोबाइलमा धेरै जसो भाइरसहरूले गूगल प्ले स्टोरमार्फत नै एक्सेस गर्दछन्। हो, यो भर्खरको रिपोर्टमा खुलासा भएको छ। यो पहिलो पटक होइन, यसअघिका धेरै साइबर सुरक्षा रिपोर्टहरूले पनि प्ले स्टोरमा भाइरस भएको एपको खुलासा गरेका छन् । समय-समयमा, गूगल प्ले स्टोरले त्यस्ता एपहरूलाई हटाउने गर्दछ, यसको सुरक्षा सुदृढ पार्दै। तर यसको बावजुद, भाइरसयुक्त एप्सको खतरा पूर्ण रूपमा अझै हटेको छैन।

वास्तवमा, अमेरिकी सफ्टवेयर कम्पनी नोर्टनलाइफलक र स्पेनको आईएमडीईए सफ्टवेयर इन्स्टिच्यूटद्वारा प्ले स्टोरबाट फोनमा भाइरस प्रवेश गर्न‍े सम्बन्धी एउटा सर्वेक्षण गरिएको थियो। यी दुबै संगठनको संयुक्त रिपोर्टमा, यो कुरा पत्ता लागेको छ कि तपाईँको फोनमा भाइरस प्रवेशको सबैभन्दा ठूलो स्रोत गूगल प्ले स्टोर हो। यस सर्वेक्षणको रिपोर्टकाअनुसार त्यस्ता ६७ प्रतिशत एप्स गूगल प्ले स्टोरमा राखिएका छन्, जसमा मालवेयर हुन्छन्। यदि तपाइँ यसलाई सजिलो भाषामा बुझ्न चाहनुहुन्छ भने, यस प्लेटफर्मका सबै एपहरू मालवेयर हुन्।

यस सर्वेक्षणमा बदयगत ७९ लाख एपहरू र १२ लाख एन्ड्रोइड डिभाइसहरूको चार महिना अध्ययन गरिएको थियो। यो अध्ययन जून-सेप्टेम्बर, २०१९ बीचमा गरिएको थियो।

सर्वेक्षण रिपोर्टमा भनिएको छ कि फोनमा मालवेयरको १०.४ प्रतिशत मात्र एन्ड्रोइड उपकरणमा थर्ड पार्टी एपमार्फत पुग्छ जसलाई सबैभन्दा बढि शंकाको साथ हेर्ने गरिएको छ। यस अध्ययनमा, गूगल प्ले स्टोर, वैकल्पिक एन्ड्रोइड बजार, वेब ब्राउजर, पे पर इन्स्टल प्रोग्राम, मेसेज र अन्य स्रोतहरू बाट डाउनलोड एन्ड्रोइड एपहरू समावेश थिए। यसले यो पनि खुलासा गर्‍यो कि ८७.२ प्रतिशत एन्ड्रोइड एप्स गूगल प्ले स्टोरबाट डाउनलोड गर्ने गरिन्छ र त्यसमध्ये ६७।५ प्रतिशत एपहरू मालवेयर हुन्।