आजियाटाको उपस्थिती रहेका बजारमा आजियाटा डिजिटलले सेवा बिस्तार गर्ने, नयाँ लगानी भित्र्यायो

काठमाडौं ।

मलेशियाको आजियाटा डिजिटलले आफ्नो बढ्दो डिजिटल वित्तीय सेवाहरूको व्यवसायलाई प्रबद्र्धन गर्न ग्रेट ईस्टर्नसँग ७ करोड अमेरिकी डलरको रणनीतिक लगानी भित्र्याएको छ। यो आजियाटा डिजिटलद्वारा वित्तीय उद्योग खेलाडीहरूबाट सुरक्षित गरिएको तेस्रो रणनीतिक लगानी हो ।

आजियाटा डिजिटल नेपालको मोबाइल अपरेटर एनसेलको लगानीकर्ता समूह आजियाटा ग्रूप बर्हादअन्तरगतको कम्पनी हो ।

यस लगानीको साथ, ग्रेट ईस्टर्नले आजियाटा डिजिटलको डीएफएस व्यवसायको लागि होल्डिग कम्पनीमा २१.८७५ प्रतिशत सेयर लिएको छ र बाँकी शेयर आजियाटा डिजिटल सर्भिसेज अन्तरगत रहेको छ ।

लगानी अन्तरगतको कम्पनीलाई बूस्ट होल्डिङ्गस बर्हाद भनिनेछ र यसले ई वालेट र लाइफस्टायल एप बनाउने छ । जसमा बूस्ट मलेशिया र इण्डोनेसिया रहेको छ । यसका साथै बंगलादेशमा स्थानिय बैंकसँगको सहकार्यमा ट्रस्ट आजियाटा डिजिटल लिमिटेड स्थापना गरेको छ जसले एपिआई प्लेटफर्म तयार पारेको छ ।

कम्पनीले नयाँ लगानीपछि अन्य आजियाटा बजारहरुमा समेत यी सेवा सुबिधाहरु उपलब्ध गराउनेछ, जहाँ व्यापारीहरु र ग्राहकहरुबिच इको सिस्टम तयार पार्नेछ ।