Technology Khabar १२ जेष्ठ २०७७, सोमबार
काठमाडौं ।
जापानी सरकारले यहि वर्षभित्र देशभरका विद्यार्थीहरुलाई ल्यापटप उपलब्ध गराउने तत्कालिक योजना गरेको छ ।
जापानको सरकारले यसको लागि करिब २.७८६ अर्ब अमेरिकी डलर लगानीमा मोबाइल कम्प्यूटिङ्ग डिभाइस खरिद गर्ने र दूर शिक्षा संचालन गर्ने योजना लिएको हो । कोभिड-१९ को महामारीका कारणले गर्दा सरकारले दूर शिक्षाका लागि सबै विद्यार्थीलाई ल्यापटप उपलब्ध गराउने योजना लिएको हो ।
सन् २०१९ मा डिजिटलाइजेसन एजुकेसन प्रोग्रामअन्तरगत जापानको कल्चर, स्पोर्टस, साइन्स एण्ड टेक्नोलोजी मन्त्रालयले विद्यालय संरचना अन्तरगत प्रत्येक प्राथमिक र माध्यमिक विद्यालयहरुका विद्यार्थीलाई सन् २०२४ सम्ममा एक/एकवटा ल्यापटप उपलब्ध गराउने योजना लिएको थियो ।
तर महामारीका कारणले गर्दा देशभर विद्यालयहरुको गतिबिधि ठप्प भएपछि जापानी सरकारलाई सन् २०२० भित्रै यो लक्ष्य पुरा गर्न दबाब भएको हो ।
सन् २०२० भित्रै जापानको विद्यार्थीहरुलाई कम्प्यूटरहरु खरिद गर्ने योजनाका लागि उपलब्ध सो रकम पुरै उपयोग गरिने अनुमान गरिएको छ ।
जसले करिब ७० लाखदेखि ८० लाख मोबाइल कम्प्यूटिङ्ग डिभाइस किन्न सकिने अनुमान गरिएको छ।
जापानको सरकारले किन्ने त्यस्तो डिभाइस विण्डोजमा आधारित मोडलहरु, क्रोमबुकहरु र आईप्याड डिभाइस हुनुपर्नेछ । एजेन्सीका साथ
प्रकाशित: १२ जेष्ठ २०७७, सोमबार
