Technology Khabar ९ चैत्र २०७६, आईतवार
काठमाडौं ।
चिनियाँ स्मार्टफोन मेकर कम्पनी शाओमीले आफ्नो आपूर्ति व्यवस्था करिब ८० प्रतिशतसम्म संचालनमा आएको जानकारी दिएको छ ।
कम्पनीले चीनमा हाल नियन्त्रणमा रहेको कोरोनाभाइरसको प्रकोपबाट मुक्त हुँदै बिहिबारदेखि आफ्नो कार्य ८० प्रतिशत संचालन भएको कम्पनीका अध्यक्षले बताए ।
कम्पनीका अध्यक्ष वाङ्ग झियाङ्गले अझै आफू यूरोपेली बजारमा आशावादी भएको बताएका छन् । जबकी यूरोपमा अहिले कोरोना भाइरसको महामारी झैँ देखिएको छ ।
शाओमीले गएको फरवरी महिना निकै कठिन भएको र आफ्ना सबै कार्यालयहरु तथा संचालनहरुलाई पुन शुरु गर्न संघर्ष गरेको उल्लेख गरेको छ ।
तर यहि बिहिबारदेखि भने शाओमीले चीन भर रहेका आफ्ना १ हजार भन्दा बढि स्टोरहरु संचालनमा आएको वाङ्गले बताए ।
कम्पनीले आफ्नो नयाँ फ्ल्यागशिप ५जी स्मार्टफोन रेडमी के३० प्रो लन्च गर्ने तयारीमा रहेको छ र यो मार्च २४ मा भच्र्यूअल प्रेस कन्फ्रेन्समार्फत हुनेछ । एजेन्सी
प्रकाशित: ९ चैत्र २०७६, आईतवार
