स्मार्टफोन ब्राण्ड रियलमीले आफ्नै अपरेटिंग सिस्टम बनाउँदै, सन् २०१९ को अन्त्यसम्ममा आउने

काठमाडौं । रियलमीले आफ्नै अपरेटिंग सिस्टममा काम गरिरहेको छ । कम्पनीका इण्डिया सिईओ माधव शेठले रियलमीले ओएसमा काम गरिरहेको जानकारी दिएका छन् ।

कम्पनीले हाल ओपोको कलर ओएस आफ्ना स्मार्टफोनहरुमा प्रयोग गरिरहेको छ तर रियलमीका फ्यानहरुले भने खोजेका फीचरहरु सो ओएसमा उपलब्ध छैन् ।

रियलमीले ल्याउन लागेको ओएसको बारेमा धेरै जानकारी छैन तर सो ओएस प्लेटफर्म यो वर्षको अन्त्यमा वा आगामी वर्षको शुरुवातमा आउने बताईएको छ । सो आउन लागेको ओएस संभवत एन्ड्रोयड क्यूमा आधारित हुनसक्ने विश्वास गरिएको छ ।

रियलमीले ल्याउने ओएस स्कट ओएस हो वा स्कीन्ड ओएस हो भन्ने अझै स्पष्ट भएको छ तर यसअघि शेठले भनेको धारणाअनुसार सो स्टक एन्ड्रोयड भने नहुने अनुमान गरिएको छ ।

इण्डियाका सिईओ शेठले नयाँ ओएसको बारेमा धेरै जानकारी नदिएपनि उनले ग्राहकहरुले माग गरेअनुसारको फीचरहरु सफ्टवेयरमा ल्याउनका लागि अनुसन्धान तथा विकास गर्ने टिमले काम गरिरहेको जानकारी दिएका छन् ।

रियलमीले बेलायतमा यो वर्षको शुरुवातमा रियलमीओएसको लागि ट्रेडमार्कका लागि आवेदन दिएको छ । जसले कलरओएसको विकल्पको बारेमा थप चर्चा गर्ने अवसर दिएको थियो ।

रियलमीओएस ल्याउनुको अर्थ कम्पनीले बिस्तारै ओपोको छाँयाबाट बाहिर जान खोजेको अनुभव भएको छ । रियलमी ओपोको सब ब्राण्डको रुपमा लन्च भएको थियो भने पछि छुट्टै ब्राण्डको रुपमा आएको थियो ।

यसबाहेक रियलमीले आफ्नो ६४ मेगापिक्सेलको क्वाड क्यामरा स्मार्टफोन लन्च गर्ने तयारी गरिरहेकोछ । सो स्मार्टफोन संभवत अक्टोबर २७ भन्दा अगाडि आउनेछ तर रियलमी ५ स्मार्टफोन भने अगस्ट २० मा लन्च हुनेछ । एजेन्सी

Cheap Sex Cam Website

Leave a Reply