Technology Khabar ३२ जेष्ठ २०७६, शनिबार
काठमाडौं ।
काठमाडौं । पछिल्ला दिनहरुमा ह्वावेको खराब दिनहरु चलिरहेका छन् । अब भने कम्पनीले आफ्नो सबैभन्दा एडभान्स्ड स्मार्टफोन मेट एक्सको लन्चको मिती सारेको छ ।
कम्पनीले यहि फेव्रुअरीमा मोबाइल वल्र्ड कंग्रेसको समयमा फोल्डेबल स्मार्टफोन ह्वावे मेट एक्स प्रदर्शन गरेको थियो । कम्पनीले यसलाई जून महिनामा लन्च गर्ने भनेपछि अब भने यसको लन्च मिती सरेको हो ।
ह्वावेले आफ्नो मेट एक्सलाई अब सेप्टेम्बरमा मात्र लन्च गर्ने भएको छ ।
ह्वावेका अनुसार कम्पनीले यसलाई निकै सुक्ष्मरुपमा परीक्षण गरिरहेको छ जसल गर्दा उपभोक्ताका लागि सहि डिभाइस दिन सकियोस् ।
यसअघि फोल्डेबल डिभाइस बनाएको अर्को कम्पनी सामसंगको फोल्डेबल फोन ग्यालेक्सी फोल्डको रिभ्यू युनिट्समा नै समस्या आएको थियो ।
सामसंगको समस्या देखेर पनि ह्वावेले आफ्नो डिभाइसलाई कडा परीक्षणपछि मात्र ल्याउने बताएको हो ।
ह्वावेका एक प्रवक्ताले सीएनबीसीलाई बताएअनुसार कम्पनी यस्तो प्रोडक्ट लन्च गर्न चाहँदैन जसले कम्पनीको साखलाई खराब बनाओस् ।
उनले अमेरिकी प्रतिबन्धले ह्वावे मेट एक्सको लन्चलाई कुनै असर नपर्ने स्पष्ट पारे । यसमा उपलब्ध हुने सफ्टवेयर तथा हार्डवेयरमा पनि सो प्रतिबन्धको असर नहुने बताए ।
ह्वावे मेट एक्स फोल्डेबल स्मार्टफोन बजारमा करिब २,६०० अमेरिकी डलरमा आउने अनुमान गरिएको छ ।
प्रकाशित: ३२ जेष्ठ २०७६, शनिबार
