Technology Khabar ५ चैत्र २०७५, मंगलवार
काठमाडौं ।
काठमाडौं । चिनियाँ मोबाइल ब्राण्ड रियलमी २ प्रो (realme 2Pro) अनलाइन ईकमर्श साइट दराज डटकममा एक्सक्लुसिभ उपलब्ध भएको छ । दराजले रियलमी २ प्रोको १२८ जीबी स्टोरेज भेरिएन्ट दराजमा विशेष मूल्यमा उपलब्ध गराएको जानकारी दिएको छ ।
दराजले रियलमी प्रो ८ जीबी र्याम १२८ जीबी स्टोरेजको मूल्य ३१ हजार ९ सय ९९ रुपैयाँमा उपलब्ध गराएको हो ।
रियलमी नेपालमा हालै लन्च भएको मोडल हो जसले रियलमी २ प्रो र रियलमी सी१ लन्च गरेको छ ।
रियलमी २ प्रो मा स्न्यापड्रागन ६६० चीपसेटका साथमा एड्रेनो ५१२ जीपीयू राखिएको छ । फोनमा पावर ब्याकअपकालागि ३,५०० एमएएचको ब्याट्री राखिएको छ ।
फोनमा ६.३ इन्चको फूलएचडी प्लस डिस्प्ले छ भने स्क्रीनलाई गोरिल्ला ग्लासद्धारा सुरक्षित पारिएको छ ।
वाटर ड्रप नोच डिजाइनमा आएको सो स्मार्टफोनमा फोटोको लागि १६ प्लस २ मेगापिक्सेलको रियर क्यामरा छ भने सेल्फीका लागि १६ मेगापिक्सेलको सेल्फी क्यामरा राखिएको छ ।
एन्ड्रोयड ८.१ मा आधारित कलर ओएस ५.२ अपरेटिंग सिस्टमामा संचालन हुने डिभाइसमा ब्लूटूथ ५.०, ड्यूल फोरजी भीओएलटिई, टाइप सी पोर्ट,लगायतका फीचर रहेको कम्पनीले जनाएको छ।
प्रकाशित: ५ चैत्र २०७५, मंगलवार
