Technology Khabar १७ पुष २०७५, मंगलवार
काठमाडौं ।
काठमाडौं । इन्टरनेट सेवा प्रदायक कम्पनी भायनेट कम्युनिकेसन्स्ले ‘गो फर स्पिड, गो फर भायनेट’ योजना सार्वजनिक गरेको छ । फाईबर टु द होम (एफटिटिएच) इन्टरनेट सर्भिस प्रोभाइडर भायनेटले सो योजना सार्वजनिक गरेको हो ।
भायनेटले इन्टनेटको स्पिड बृद्धि गर्ने क्रममा २० एमबिपिएसलाई बढाएर ३० एमबिपिएस बनाएको छ भने ३० एमबिपिएसलाई बढाएर ४० एमबिपिएस बनाएको छ । वार्षिक ग्राहकहरुले ३० एमबिपिएस इन्टरनेटको लागि प्रति महिना १२ सय रुपैयाँ, ४० एमबिपिएस इन्टरनेटको लागि प्रति महिना १४ सय रुपैयाँ र ६० एमबिपिएस इन्टरनेटको लागि प्रति महिना १७ सय २० रुपैयाँ तिर्नुपर्ने भायनेटले जानकारी दिएको छ ।
साथै ग्राहकहरुले ५५ एचडी र १३५ ओटा एचडी च्यानलहरु रहेको नेट टिभी समेत निःशुल्क प्राप्त गर्न सक्ने कम्पनीले जानकारी दिएको छ । योजना अन्तरर्गत भायनेटले ग्राहकहरुलाई ३ महिना र ६ महिनाको लागि समेत विभिन्न आकर्षक प्याकेजहरु उपलब्ध गराउने दाबी गरेको छ।
सेवालाई काठमाडौं बाहिर विस्तार गर्दै भायनेटले हाल बनेपा, बुटवल, बिराटनगर, विरगंज, चितवन, हेटौंडा र पोखरामा समेत आफ्नो सेवा सुचारु गरेको जनाएको छ ।
प्रकाशित: १७ पुष २०७५, मंगलवार
