Technology Khabar ५ मंसिर २०७४, मंगलवार
काठमाडौं ।
काठमाडौं, ५ मंसिर । आइएमई समुहद्धारा प्रवर्दित हाथवे इन्भेष्टमेन्ट नेपाल लैनचौरस्थित आफ्नै भवन हाथवे कम्प्लेक्समा सरेको छ । नयाँ भवनको उद्घाटन कम्पनीका अध्यक्ष हेमराज ढकालले गरे ।
सो अवसरमा कम्पनीका संचालकहरु तथा समुहमा सम्वद्ध पदाधिकारीहरुको उपस्थिति थियो । स्थापनाको छोटो समयमा नै पुँजीबजारमा आफ्नो छुटै पहिचान बनाउन सफल सो कम्पनीको मुख्य उदेश्य सुचिकृत कम्पनीहरुको शेयरमा लगानी गर्ने रहेको छ ।
पूँजिबजारका अलवा दीर्घकालीन लगानीका रुपमा रियलस्टेट, हाईडोपावर, बीमा व्यवसाय जस्ता क्षेत्रहरुमा समेत लगानी गरेको सो कम्पनीले विगतमा समस्याग्रत रहेका एनवि इन्स्योरेन्स र अरुण फाईनान्सको शेयर विभिन्न समुहमा ब्यवस्थापन गरी सफलतापूर्वक संचालनमा ल्याएको जानकारी दिएको छ ।
अध्यक्ष ढकालले आगामी दिनमा कम्पनीले प्राईभेट इक्यूटी र भेन्चर क्यापीटलमा कार्य गर्दै निजी क्षेत्रको उत्कृष्ट लगानी कम्पनीको रुपमा स्थापित गराउने बताए ।
प्रबन्ध संचालक अम्बिका प्रसाद पौडेलले विगतको आरोह अवरोहका बीचमा कम्पनीले गरेको प्रगति कम्पनीका लगानीकर्ता तथा संचालकहरुको विषेश योगदानको प्रतिफल रहेको बताए ।
प्रकाशित: ५ मंसिर २०७४, मंगलवार
