“कोका–कोला जिरो” अब नेपाली बजारमा

काठमाडौं ।

काठमाण्डौ, २३ कात्तिक । कोका–कोला कम्पनीले नयाँ पेय उत्पादन कोक जिरो नेपाली बजारमा ल्याएको छ ।  कम्पनीले एक कार्यक्रमका बीच कोक जिरो ब्राण्ड नेपालमा उपलब्ध भएको घोषणा गरेको हो ।

कोक जिरो ब्राण्डको नेपालमा उपलब्धताको घोषणा नायिका प्रियंका कार्की, गायक सबिन राई तथा  गायिका इन्दिरा जोशीसहित कम्पनीका अधिकारीहरुले गरे ।

कोका– कोला जिरो विश्वका १५० भन्दा बढि देशहरुमा उपलब्ध छ । कोक जिरोको विशेषता भनेको“सुगर रहित” भएर पनि यसको स्वाद कोका–कोलाको जस्तै हुनु हो । कोक जिरो नेपालका १५ वटा प्रमुख शहरहरुमा रहेका विभिन्न परम्परागत पसल, आधुनिक ब्यापारिक  केन्द्र र कोका–कोलासंग आबद्ध बिशेष स्थानहरुबाट विक्री वितरण गरिने जानकारी दिईयो ।

कोका–कोला जिरो वा कोक जिरोको नामबाट प्रख्यात यो उत्पादन २० विलियन डलर आम्दानी भएको कोका–कोला कम्पनीको विलियन डलर क्लवमा सबैभन्दा छिटो समावेश हुने ब्राण्ड भएको कम्पनीको दाबी छ  ।

कोक जिरो सार्वजनिक कार्यक्रममा बि.आइ.जी का क्षेत्रिय निर्देशक टि. कृष्णकुमारले कोका–कोला जिरो उत्पादन गर्नका लागि नेपालमै पू्र्वाधार विकास गरेको बताए । उनले यो रु.६५ मूल्य पर्ने ५०० मि.लि. को पेट बोटल, रु.७५ मूल्यको ३०० मि. लि. क्यान र रु.४५ मूल्यको १८० मि.लि.को क्यानमा उपलब्ध हुने जानकारी दिए ।

कोका–कोेला इन्डियाका अध्यक्ष वेङ्कटेश किनिले कोक जिरो ब्राण्ड अाएपछि नेपालमा रातो–खरानी–कालो रंगको ब्राण्डहरु कोका–कोला ब्राण्ड रणनीतिअन्तर्गत पूर्ण भएको उल्लेख गरे ।