दक्षिण कोरियाद्वारा पहिलो पृथ्वी अवलोकन नानोस्याटेलाइट प्रक्षेपण

काठमाडौं ।

सन् २०२७ सम्ममा भूउपग्रह समूह बनाउने योजनाको हिस्साका रूपमा दक्षिण कोरियाको स्थानीयरूपमा विकसित पृथ्वी अवलोकन नानोस्याटेलाइट (सानो भूउपग्रह) लाई न्युजिल्यान्डको एक अन्तरिक्ष केन्द्रबाट प्रक्षेपण गरिएपछि कक्षमा स्थापित गरिएको छ।

विज्ञान तथा सूचना प्रविधि मन्त्रालयका अनुसार बुधबार नियोनस्याट–१ नामको उपग्रहलाई सफलतापूर्वक प्रक्षेपण यानबाट अलग गरिएको छ।

रकेट ल्याब्स इलेक्ट्रोन रकेटमा दक्षिण कोरियाली समयानुसार बुधबार माहिया स्पेसपोर्टबाट उपग्रह प्रक्षेपण गरिएको थियो। नियोनस्याट–१ एघार नानो उपग्रहमध्येको एक हो।

यसलाई दक्षिण कोरियाले भूउपग्रह समूह बनाउनका लागि प्रयोग गर्ने योजना बनाइरहेको छ।

यसले कोरियाली प्रायद्वीप र त्यस वरपरका क्षेत्रहरूको निगरानी गर्नेछ र तस्बिर लिएर सरकारलाई राष्ट्रिय सुरक्षामा आउने कुनै पनि धम्की, प्राकृतिक विपत्ति वा कुनै पनि खतराको तुरुन्त प्रतिक्रिया दिन सहयोग गर्नेछ।

दक्षिण कोरियोले सन् २०२६ जुनमा थप पाँच नानोस्याटेलाइट प्रक्षेपण गर्ने र सन् २०२७ सेप्टेम्बरमा स्वदेशी नुरी अन्तरिक्ष रकेटमा अन्य पाँचओटा नानास्याटेलाइट प्रक्षेपण गर्ने योजना बनाएको छ। रासस/क्युएनए