चीनमा २०२४ को स्मार्टफोन ढुवानी सुस्त, आईफोनको बजार माग २४ प्रतिशतले खस्कियो

काठमाडौं ।

सन् २०२४ को पहिलो ६ हप्तामा ७ प्रतिशतले गिरावट आएको हुनाले चीनको स्मार्टफोन ढुवानी कठिनाईका साथ सुरु भएको छ।

काउन्टरपोइन्ट रिसर्च रिपोर्टले जनवरी १ देखि फेब्रुअरी ११ सम्मको अवधिमा गत वर्षको तुलनामा ढुवानीमा दोहोरो अंकको गिरावट देखाएको छ। साथै कम उपभोक्ता विश्वास र आगामी हाई–प्रोफाइल लन्चहरुको कमीलाई वर्षको निराशाजनक सुरुवातको दुई मुख्य कारणका रूपमा उल्लेख गरिएको छ।

ओप्पोको ढुवानी सेयर २९ प्रतिशतले घटेको छ भने एप्पलको शिपमेन्ट गत वर्षको तुलनामा २४ प्रतिशतले घटेको जनाइएको छ। एप्पलको मामलामा, काउन्टरपोइन्ट विश्लेषकहरूले हाईयर–एन्ड बजारमा कडा प्रतिस्पर्धा र एप्पल उपभोक्ताहरूले आफ्नो डिभाइसहरू लामो समयसम्म होल्ड गर्ने प्रवृत्तिका कारण एप्पलले गिरावट देखेको उल्लेख गरेका छन्।

ढुवानीको सन्दर्भमा सकारात्मक वृद्धि अनुभव गर्ने दुई कम्पनीमा ह्वावे र अनर मात्र पर्न सफल भएको जनाइएको छ। मेट ६० सिरिजको मागको कारणले ह्वावेको ढुवानी ६४ प्रतिशतले बढेको र अनरले २ प्रतिशत वृद्धि देखेको छ।

साथै ह्वावे सन् २०२४ को पहिलो ६ हप्तामा ढुवानीका लागि दोस्रो स्थानमा आएको छ भने भिभोलाई पछि पार्दै अनर तेस्रो स्थानमा रहन सफल भएको छ।

भिभो र शाओमी यस अवधिमा शिपमेन्टको आधारमा शीर्ष ५ स्मार्टफोन ब्रान्डहरू भित्र पर्न सफल भएको उल्लेख छ। साथै काउन्टरपोइन्ट विश्लेषकहरूले पहिलो क्वाटरभर नकारात्मक वृद्धि जारी रहने अपेक्षा गरेको छन्।