इन्टेलको एआरसी ए५८० ग्राफिक्स कार्ड लन्च

काठमाडौं ।

इन्टेलले अन्ततः एआरसी ए५८० डिस्क्रिट ग्राफिक्स कार्ड लन्च गरेको छ। यो कार्ड विश्वव्यापी रूपमा लन्च गरिएको र बुधबारदेखि उपलब्ध गराइएको छ।

ए५८० मा २४ एक्सई कोर र रे ट्रेसिङ यूनिट छ। साथै १७०० एमएचजेड क्लक स्पीड, यद्यपि हाल घोषणा गरिएका सबै कार्डहरूमा ओभरक्लोक गरिएको २००० एमएचजेड क्लक स्पीड छ। यो ५१२ जीबी प्रति सेकेन्ड मेमोरी ब्यान्डविथको लागि २५६–बिट वाइड मेमोरी बसमा ८जीबी जीडीडीआर६ मेमोरीको साथ पनि आउँछ। कार्डमा १८५ वाटको कुल बोर्ड पावर छ। समग्र ए५८० स्पेसिफिकेसनको सन्दर्भमा ए७५० को नजिक छ।

ए५८० पहिलो पटक अन्य आर्क ए–सिरिज ग्राफिक्स कार्डहरूसँगै एक वर्ष पहिले घोषणा गरिएको थियो। चार कार्ड मध्ये तीन गत वर्ष लन्च गरिएको थियो, ए५८० कार्ड लन्च अघि चर्चा गरिएको थिएन।

ए५८० ले ए७५० र ए७७० मा जस्तै जीपीयूको कटडाउन भर्सन प्रयोग गर्छ। इन्टेल सम्भवत ए५८० को उत्पादन गर्नु अघि ७ सरिजको प्रयोग नगरिएको वेफर्सको प्रर्याप्त सूचीको प्रतिक्षामा रहेको विश्वास गर्न सकिने जीएसएमएरिनाले उल्लेख गरेको छ।

ए७५०सँग मिल्दोजुल्दो स्पेसिफिकेसनका साथ यो मोडलको प्रदर्शन पनि समान हुन सक्ने आशा गर्न सकिन्छ। इन्टेलले ए५८० को लागि १०८० पिक्सेल उच्च सेटिङ अनुभव र कम्पनीको एआई–आधारित इमेज अपस्केलिंग र रिकन्स्ट्रक्सन टेक्नोलोजी एक्सईएसएस प्रयोग गरेर उच्च रिफ्रेस दर अनुभवलाई लक्षित गर्दैछ।

ए५८० हाल एसरक, गननिर र स्पार्कलद्वारा प्रस्ताव गरिएको छ। यसको सुरुवाती मूल्य १७९ अमेरिकी डलर तोकिएको छ र कार्ड हाल अन्य इन्टेल एआरसी कार्डहरु बिक्री हुँदै आएको सबै क्षेत्रमा उपलब्ध हुनेछ।