एकै पटकमा आफ्नो युट्युब एकाउन्ट प्रमाणित गर्नुहोस्, पालन गर्नुस् यी सजिला स्टेप्स

काठमाडौं ।

युट्युब प्रमाणीकरणले तपाईंलाई १५ मिनेट भन्दा लामो भिडियोहरू अपलोड गर्न र तपाईंको भिडियो थम्बनेलहरू अनुकूलित गर्न अनुमति दिन्छ। कुनै पनि व्यक्तिले आफ्नो युट्युब खाता प्रमाणित गर्न सक्छ। यसका लागि तपाईंले आफ्नो पहिचान प्रमाणित गर्नुपर्नेछ।

तपाईको पहिचान प्रमाणित गर्न तपाईलाई फोन नम्बर मात्र चाहिन्छ। यद्यपि, युट्युबमा प्रमाणिकरणको अर्थ तपाईंले प्रमाणीकरण ब्याज प्राप्त गर्नुभयो भन्ने होइन।

वास्तवमा, प्रमाणीकरण ब्याज ती युट्युबर्सलाई दिइन्छ जसको १ लाख भन्दा बढी सदस्यहरू छन्। यद्यपि, ब्याजले तपाईंलाई कुनै पनि अतिरिक्त सुविधाहरूमा पहुँच दिँदैन। यदि तपाइँ अझै तपाइँको खाता प्रमाणित गर्न चाहानुहुन्छ भने, हामी तपाइँलाई तपाइँको युट्युब एकाउन्ट कसरी प्रमाणित गर्न सक्नुहुन्छ भनेर बताउँछौं।

युट्युब खाता प्रमाणीकरण गर्नको लागि, तपाइँसँग इन्टरनेट कनेक्सन र फोन नम्बर हुनुपर्दछ, किनकि केहि देशहरूले प्रमाणिकरणको लागि टेक्स्ट सन्देशहरू प्रयोग गर्छन् र फोन नम्बरमा ओटिपी पठाएर एकाउन्ट प्रमाणित गर्दछ।

युट्युब खाता कसरी प्रमाणित गर्ने?

१. सबैभन्दा पहिले आफ्नो डिभाइसबाट युट्युब डटकम (youtube.com)मा जानुहोस्।
२- अब बायाँको टुलबारमा तल स्क्रोल गर्नुहोस् र सेटिङ्समा क्लिक गर्नुहोस्।
३. अतिरिक्त सुविधाहरू हेर्नुहोस (View additional features) मा क्लिक गर्नुहोस्।
४. यहाँ ‘भेरिफाई’मा क्लिक गर्नुहोस्।
५. आफ्नो देश छान्नुहोस् र तपाईं फोन कल वा टेक्स्ट एसएमएस मध्ये के प्राप्त गर्न चाहनुहुन्छ चयन गर्नुहोस्।
६. यदि तपाइँ फोन कल विकल्प रोज्नुहुन्छ भने, कन्फर्ममा क्लिक गर्नुहोस्।
७. आफ्नो फोन नम्बर प्रविष्ट गर्नुहोस् र सबमिटमा क्लिक गर्नुहोस्।
८. अब तपाईंले छ अंकको प्रमाणीकरण कोड पाउनुहुनेछ।
९. टेक्स्ट बक्समा यो कोड प्रविष्ट गर्नुहोस् र सबमिट गर्नुहोस्।

च्यानलको नाम तल एक चेक मार्क देखा पर्ने

एकपटक तपाईंले यो प्रक्रिया पूरा गरेपछि, तपाईंले कर्न्फरमेसन सन्देश प्राप्त गर्नुहुनेछ। अब तपाईंले आफ्नो एकाउन्ट स्ट्याटस र फिचर्स पेजमा फर्कन ‘कन्टिन्यू’ मा क्लिक गर्नुपर्छ। यहाँ तपाइँले तपाइँको डिभाइसको स्क्रिनमा तपाइँको च्यानलको नाम अन्तर्गत चेक मार्कको साथ भेरिफिकेसन शब्द पनि देख्नुहुनेछ।