स्पेसएक्सको ५०० एमबीपीएसको स्याटेलाइट इन्टरनेटको शुल्क मासिक ६० हजार रुपैयाँ

काठमाडौं ।

स्पेसएक्सले यसको स्टारलिंक स्याटेलाइट इन्टरनेट सेवामा ग्राहकहरुका लागि उच्च प्रदर्शनको साथ नयाँ स्तरको सेवा दिने घोषणा गरेको छ।

स्पेसएक्सको स्याटेलाइट इन्टरनेट सेवा स्टारलिंकले स्टारलिंक प्रिमियम भनिने महँगो नयाँ उच्च-परफरमेन्स टियर प्राप्त गर्दैछ। स्पेसएक्सका संस्थापक इलन मस्कद्वारा घोषणा गरिएको नयाँ सेवाले ठूलो हाई परफरमेन्स एन्टेना समावेश गर्दछ र यसको नियमित सेवाद्वारा प्रतिज्ञा गरिएको ५० देखि २५० एमबीपीएस (२० देखि ४० मिलिसकेण्ड लेटन्सी) सम्मको तुलनामा  १५० देखि ५०० एमबीपीएस (२० देखि ४० मिलिसकेण्ड लेटन्सी) को बीचको गतिको विज्ञापन गर्दछ।

प्रिमियम सेवाले स्ट्याण्डर्ड टियरको लागि तोकिएको १० देखि २० एमबीपीएसको तुलनामा २० देखि ४० एमबीपीएस अर्थात लगभग दोब्बर अपलोड गति दाबी गर्दछ। तर यो प्रिमियम सेवा भने सस्तो पक्कै छैन्।

आधार स्तरको स्टारलिंक सेवाको हार्डवेयरको लागी ४९९ अमेरिकी डलर‍ र प्रति महिना ९९ डलर लागी खर्च गर्नुपर्ने हुन्छ। तर स्टारलिंक प्रिमियम सेवामा  एन्टेनाको लागी मात्र २,५०० अमेरिकी डलर, र प्रति महिना ५०० डलर अर्थात करिब ६० हजार रुपैयाँ खर्च हुनेछ। यसको अर्थ सामान्य सेवाको तुलनामा प्रिमियम सेवा करिब ५ गुणा महंगो हुनेछ।

यस वर्षको दोस्रो क्वाटरमा प्रिमियम सेवाको लागि डेलिभरीहरू सुरु हुने छन्। प्रिमियम डिश रिजर्भ गर्न ५०० डलर जम्मा पहिले नै जम्मा गर्नुपर्नेछ। स्टारलिङ्कको वेबसाइटले नयाँ प्रिमियम तहले “साना कार्यालयहरू, स्टोरफ्रन्टहरू, र विश्वभरका सुपर प्रयोगकर्ताहरूलाई” लक्षित गरेको बताउँछ।

स्पेसएक्सले नयाँ सेवाले “चरम खराब मौसम भएको अवस्था” मा पनि राम्रो काम गर्ने र ग्राहकहरूले प्राथमिकताका साथ २४/७ सपोर्ट प्राप्त गर्ने बताएको छ। यो धेरै दुर्गम स्थानहरूमा उपलब्ध एक मात्र उच्च-गतिको इन्टरनेट विकल्प हुन सक्छ, जहाँ अतिरिक्त मौसम प्रतिरोधी काममा आउन सक्छ।

स्पेसएक्सले यसअघि गत अक्टोबरमा बीटाबाट बाहिर आउने बताएको थियो र हालसालै एउटा नयाँ आयताकार स्याटेलाइट डिश अनावरण गर्यो जुन मूल राउन्ड भन्दा धेरै सानो र पातलो छ। तर नयाँ प्रिमियम एन्टेना त्यो भन्दा स्पष्ट रूपमा ठूलो छ।

“यसले चरम नेटवर्क प्रयोगको समयमा पनि महत्वपूर्ण कार्यहरूको लागि ब्यान्डविथ सुनिश्चित गर्न मद्दत गर्दछ,” स्पेसएक्सले भन्यो।

स्टारलिङ्कले जनवरीको मध्यसम्ममा २,००० भन्दा बढी स्याटेलाइटहरू प्रक्षेपण गरेको छ, जसमा करिब १,५०० परिचालन कक्षमा छन्। हालको प्रणाली ४,४०८ स्याटेलाइटहरूको लागि आधिकारीक रुपमा अनुमति दिईएको छ।