वनप्लस १० प्रो आउँदो जनवरीमा लन्च हुने निश्चित, यस्तो हुनेछ फोनका फिचरहरु

काठमाडौं ।

वनप्लसले आफ्नो अर्को स्मार्टफोन लन्च गर्ने तयारी गरिरहेको छ र हामीले यसको लागि लामो समय पर्खनु नपर्ने देखिएको छ। कम्पनीका सह-संस्थापक र सीईओ पीट लाउका अनुसार यसले अर्को महिना वनप्लस १० प्रो देखाउनेछ।

“वनप्लस १० प्रो, जनवरीमा भेटौँला,” लाउले चिनियाँ सामाजिक सञ्जाल वेबोमा लेखेको गिज्मोडोले उल्लेख गरेको छ।

यदि वनप्लसले आफ्नो अर्को फोन जनवरीमा सार्वजनिक गरेमा, यसले ब्रान्डको सामान्य टाइमलाइनमा केहि परिवर्तनको संकेत गर्दछ। विगत केही वर्षहरूमा, यसले मार्च वा अप्रिलमा यसको फ्ल्यागशिप ह्यान्डसेटहरू घोषणा गरेको छ, सामान्यतया सामसङले नयाँ ग्यालेक्सी एस श्रृंखला फोनहरू डेब्यु गरेपछि।

बाहिरीएका अफवाहहरूकाअनुसार यसअघिको जस्तो बेस मोडेल र एक प्रो डिभाइस भएको सामान्य तरीकाको सट्टामा वनप्लसले यस पटक एकल फोन मात्र बजारमा ल्याउनेछ। विगतमा, वनप्लसले फ्ल्यागशिप डिभाइसहरूलाई टी सिरिज मोडेलको साथ पनि पछ्याएको छ, तर यसले यस वर्ष ९टी जारी नगर्ने निर्णय गरेको छ।

लाउले यसअघि नै १० सिरिजका उपकरणहरूमा नयाँ एन्ड्रोइड १३ मा आधारित अपरेटिङ सिस्टम हुने बताईसकेका छन्, जुन वनप्लसले ओपोसँग साझेदारी गरिरहेको छ। यी दुई औपचारिक रूपमा यसै वर्ष बीबीके इलेक्ट्रोनिक्सको स्वामित्वमा मर्ज भएर वनप्लस ओपोको सब-ब्रान्ड बन्यो।

लीकरहरूले पहिले नै अनौपचारिक रेन्डरहरू मार्फत आगामी वनप्लस फोनको झलक प्रस्ताव गरिसकेका छन्। यस्तो देखिन्छ कि वनप्लसले फेरि ह्यासेलब्लाड क्यामराहरू प्रयोग गर्नेछ, जबकि वनप्लस १० प्रोको स्क्रिन १२० हर्ज रिफ्रेस दरको साथ ६.७-इन्च क्यूएचडी प्लस डिस्प्ले हुने छ।

ह्यान्डसेटले सिंगल पञ्च होल कटआउटको साथ डिस्प्ले पाउने अनुमान छ, जसमा सेल्फी क्यामरा हुनेछ। यसमा ४८ मेगापिक्सेल प्राइमरी सेन्सर, ५० एमपीको अल्ट्रा वाइड एंगल र ८ एमपी टेलिफोटो लेन्सको साथ ट्रिपल रियर क्यामरा सेटअप हुनेछ।

अगाडि, कम्पनीले ३२ एमपी सेल्फी क्यामरा प्रदान गर्न सक्छ। यो डिभाइस ८० वाट वायर्ड चार्जिङ र ५० वाट वायरलेस चार्जिङ सपोर्टको साथ आउनेछ। यसमा क्वालकम स्न्यापड्रागन ८ जेन १ प्रोसेसर प्रोसेसर दिइएको छ, जुन १२ जीबीसम्मको र्याम र २५६ जीबीसम्मको स्टोरेजमा आउनेछ। ह्यान्डसेट ५००० एमएएच ब्याट्रीका साथ सुसज्जित हुनेछ र फोनमा आईपी६८ रेटिङ हुनेछ।

यसमा स्क्वायर क्यामरा मोड्युल पाउन सकिनेछ, जसमा ट्रिपल रियर क्यामरा सेटअप हुनेछ। फोन एलईडी फ्ल्यासको साथ आउनेछ। यस शृङ्खलामा हामी वनप्लस र हासेलब्लाडको ब्रान्डिङ पनि देख्नेछौं।

फोनको दायाँ छेउमा पावर बटन र अलर्ट स्लाइडर रहनेछ, जबकि बायाँ छेउमा भोल्युम रकर रहनेछ। फोनमा यूएसबी टाइप-सी पोर्ट, सिम कार्ड ट्रे र स्पिकर ग्रिल हुनेछ। यसमा धेरै सानो पञ्च होल कटआउट दिइनेछ।

लाउकाअनुसार आगामी उपकरणले नयाँ क्वालकम स्न्यापड्रागन ८ जेन १ चिपसेट प्रयोग गर्नेछ।