भारतीय कारखानाबाट आईफोन १२ को उत्पादनमा ५० प्रतिशतले कटौती

काठमाडौं ।

एप्पल आईफोन निर्माण गर्ने भारतको फक्सकन कारखानामा एप्पल आईफोन १२ को उत्पादन ५० प्रतिशतभन्दा बढीले घटेको छ ।

कोभिड १९ बाट संक्रमित कामदारहरूले आफ्नो पद छोड्नुपरेसँगै कम्पनीको उत्पादन ५० प्रतिशतले घटेको दुई स्रोतलाई उदृत गर्दै रोयटर्सले भनेको छ ।

दक्षिणी राज्य तमिलनाडुको फक्सकन फ्यासिलिटीले विश्वको नम्बर २ स्मार्टफोन बजार भारतका लागि विशेष गरी आईफोन उपकरणहरू उत्पादन गर्दछ ।

तमिलनाडु दोस्रो कोरोनाभाइरस लहरले भारतमा सबैभन्दा बढी प्रभावित राज्यहरू मध्ये एक हो। सरकारी अधिकारीहरूले राज्यबाट सोमबारदेखि पूर्ण लकडाउन लगाएका छन भने सार्वजनिक यातायात ठप्प र पसलहरू बन्द भएका छन् ।

राज्यका १०० भन्दा बढी फक्सकन कर्मचारीहरूलाई कोभिड-१९ पोजिटिभ देखिएको बताईएको छ र कम्पनीले मेको अन्त्यसम्म चेन्नईको राजधानीमा रहेको उक्त कारखानामा प्रवेश निषेध लागू गरिसकेको छ, रिपोर्टमा उल्लेख छ । कर्मचारीहरुलाई छोडेर जाने अनुमति मात्र दिइएको तर हिजोदेखि फ्यासिलिटीमा प्रवेश गर्न रोक लगाईएको बताईएको छ । सो कारखानामा केहि सानो भाग मात्र संचालनमा रहेको बताईएको छ ।

ताइपेईमा आधारित फक्सकनले, विश्वको सबैभन्दा ठूलो ठेका इलेक्ट्रोनिक्स निर्माता हो भने एप्पलको लागि प्रमुख आपूर्तिकर्ता कम्पनी हो । भारतमा यसको एक सुविधामा थोरै कर्मचारीहरुमा कोभिड-१९ पोजिटिभ देखिएको र कम्पनीले उनीहरूलाई चिकित्सा सहयोग सहित सहयोग प्रदान गरिरहेको बताएको छ ।