Technology Khabar ४ श्रावण २०७७, आईतवार
काठमाडौं ।
अघिल्लो साता अमेरिकामा हत्या गरिएका राइड शेयरिङ्ग प्लेटफर्म पठाओका संस्थापक फाहिम सलेहको हत्या अभियोगमा उनकै सहायकलाई पक्राउ गरिएको छ ।
उनकै सहायक २१ वर्षिय यारेस हास्पिललाई सेकेण्ड डिग्री हत्या अभियोगमा पक्राउ गरिएको न्यूयोर्कको प्रहरीले बताएको छ ।
३३ वर्षिय टेक उद्यमी फाहिमको शरिर क्षतविक्षत अवस्थामा उनकै आफ्नो म्यानहटन अपार्टमेन्टमा फेलापरेको थियो ।
उनको हत्या अभियोगमा पक्राउ परेका एक्जुकेटिभ असिस्टेन्ट हास्पिलले सलेहको हजारौं डलर राखेको अनुमान गरिएको छ ।
प्रहरीले यसलाई वित्तीय तथा व्यक्तिगत कारणहरुले हत्या भएको अनुमान गरेको छ ।
आरोपितले मृतकको रकम लिएको प्रहरीले बताएको छ ।
सलेहले बंगलादेशमा राइड शेयरिङ्ग प्लेटफर्म पठाओको स्थापना गरेका थिए र पछि पठाओ नेपालमा पनि लोकप्रिय भएको थियो ।
त्यसैगरि उनले नाइजेरियामा मोटरबाइक ट्याक्सी एप गोकाडा समेत स्थापना गरेका थिए । एजेन्सीका साथ
यो पनि हेर्नुस्-
प्रकाशित: ४ श्रावण २०७७, आईतवार