Technology Khabar १८ असार २०७७, बिहीबार
काठमाडौं ।
प्रहरीले काठमाडौं भित्रै अनुमतिविना ड्रोन उडाउने चारजनालाई पक्राउ गरेको छ ।
काठमाडौं महानगरपालिका-२ लाजिम्पाटमा अनुमति बिना ड्रोन उडाएपछि मार्चिङ एण्ड प्रालिका कर्मचारीहरुलाई प्रहरीले नियन्त्रणमा लिएको हो ।
ललितपुर महानगरपालिका १० का ३१ वर्षीय रवि शाक्यसहित सोही कार्यालयका अन्य तीनजनालाई प्रहरीले पक्राउ गरेको जनाएको छ ।
लाजिम्पाटमा ड्रोन उडाएको भन्ने सूचनाका आधारमा जानकारी हुनासाथ महानगरीय प्रहरी वृत्त लैनचौरबाट खटिएको प्रहरीले ड्रोन उडाउँदै गरेको अवस्थामा उनीहरुलाई पक्राउ गरेको हो ।
उनीहरुले उडाएको ड्रोन निषेधित क्षेत्रमा पुगेकोले अनुसन्धान भइरहेको प्रहरीले बताएको छ ।
प्रकाशित: १८ असार २०७७, बिहीबार
