नोकियाका तीन स्मार्टफोनहरु मोबाइल वर्ल्ड कांग्रेसमा लन्च हुने, फाइभजी स्मार्टफोन पनि ल्याउने

काठमाडौं ।

काठमाडौं । फिनल्याण्डको एचएमडि ग्लोवल आउँदो महिना नोकियाका केहि स्मार्टफोन लन्च गर्ने भएको छ । कम्पनीले आउँदो महिना हुने मोबाइल वल्र्ड कांग्रेसको बेला फरवरी अन्तिमतिर लन्च गर्ने बताइएको छ । एक रिर्पोटअनुसार यसबिच कम्पनीले नोकिया १.३, नोकिया ५.२ र नोकिया ८.२ ५जी लन्च गर्ने छ ।

क्वालकम समिटमै नोकियाले ५जी स्मार्टफोन लन्च गर्ने बताएको थियो । कम्पनीले नोकिया ८.२ मा स्न्यापड्रयागन ७६५ प्रोसेसर प्रदान गर्न सक्ने छ । र यसमा ५जी कनेक्टीभिटीको लागी ५जी मोडलमा ल्याइने छ ।

नोकिया ८.२ मा क्वाड क्यामरा सेटअप हुन सक्नेछ, जसको प्राईमरी लेन्स ६४ मेगापिक्सेलको हुने छ । सेल्फीको लागी यस स्मार्टफोनमा ३२ मेगापिक्सलको मोटराइज्ड पप-अप फ्रन्ट क्यामरा हुन सक्ने छ । यस स्मार्टफोनमा साइड माउन्टडे फिंगरप्रिन्ट स्क्यानर हुन सक्ने खबर अगाडी आएको छ ।

नोकिया ५.२ ह्यान्डसेटको कुरा गर्दा यो बजेट स्मार्टफोन हुने छ र यसमा १६ मेगापिक्सेलको प्राइमरी क्यामरा रहने छ । यस स्मार्टफोनमा बजेट प्रोसेसर क्वालकम स्न्यापड्रयागन ६३२ प्रोसेसर हुने छ । यस फोनको डिस्प्ले ६.२ इन्च को हुन सक्ने छ ।

नोकिया १.३ एन्ट्री लेभलको स्मार्टफोन हुने छ । जसलाई कम्पनी एन्ड्रोएड १० सँगै लन्च गर्ने छ । यस स्मार्टफोनमा १३ मेगापिक्सेलको रियर क्यामरा र ५ मेगापिक्सेलको सेल्फी क्यामरा हुन सक्ने छ ।

कम्पनीले यसलाई एन्ड्रोयड गो भर्जनमा लन्च गर्न पनि सक्नेछ । जसलाई गूगलले एन्ट्री लेभलको स्मार्टफोनको लागी तयार गरेको हो ।

गएको वर्ष पनि मोबाइल वल्र्ड कांग्रेसमा नोकियाले पेन्टा लेन्स सेटअप रहेको स्मार्टफोन लन्च गरेको थियो । यस बाहेक कम्पनीले अन्य धेरै स्मार्टफोनहरु लन्च गरेको थियो । एजेन्सी