आईबिएमले ‘ट्रस्ट योर सप्लायर’ ब्लकचेन नेटवर्क घोषणा गर्यो, आपूर्ति व्यवस्थापनको काम गर्ने

काठमाडौं ।

काठमाडौं । इन्टरनेशनल बिजनेस मसिन्स कर्प (आईबिएम) ले ब्लकचेन कन्सल्टेन्सी फर्म चेनयार्डसँगको सहकार्यमा ‘ट्रस्ट योर सप्लायर'(Trust Your Supplier) नामक नयाँ ब्लकचेन नेटवर्कको घोषणा गरेका छन् ।

यो ब्लकचेनमा सप्लायरको क्वालिफिकेसन, भ्यालिडेसन, अनबोर्डिंग र लाइफ साइकल इन्फर्मेसन म्यानेजमेन्टलगायतका विषयहरु राखिएका छन् ।

ब्लकचेनमा बनाईएको अडिट परीक्षण र विकेन्द्रित अप्रोचमा काम गर्ने बताईएको छ ।

आईबिएमले ट्रस्ट योर सप्लायरलाई म्यानुअल प्रकृयाहरु र सहयोगलाई हटाउने तथा फ्रड र गल्तिहरुलाई कम गर्नेगरि सप्लाई चेन बनाईएको बताएको छ ।

ट्रस्ट योर सप्लायरले ब्लकचेन नेटवर्कमा सप्लायरको परीचयको लागि डिजिटल पार्टपोर्टको सिर्जना गर्दछ, जसले नेटवर्कमा रहेको कुनैपनि अनुमतिबाहक खरिदकर्ताहरुसँग सप्लायरहरुको बारे सूचना शेयर गर्न सहयोग गर्दछ ।

यो ब्लकचेन नेटवर्कले समय र लागत दुबैलाई घटाएर स्तरिय डाटा शेयर गर्ने बताईएको छ । लन्च गरिएको ब्लकचेनमा एनहोयजर बुस इनबेभ, सिस्को, ग्लाक्सोस्मीथक्लाइन, लेनोभो, नोकिय, स्नाइडर इलेक्ट्रिक र भोडाफोनले ट्रस्ट योर सप्लायरकोे संस्थापक सहभागीको रुपमा हस्ताक्षर गरिसकेका छन् ।

आईबिएमसँग विश्वभर १८, ५०० भन्दा बढि सप्लायरहरु रहेका छन र कम्पनीले पनि ट्रस्ट योर सप्लायर नेटवर्क आफैंले पनि प्रयोग गर्ने योजना एिको बताएको छ । प्रारम्भमा करिब ४ हजार नर्थ अमेरिकन सप्लायरहरु आगामी केहि महिनामा नै जोडिने जानकारी दिएको छ ।

हाल सिमितरुपमा मात्र उपलब्ध ट्रस्ट योर सप्लायर नेटवर्क यो वर्षका अन्त्यमा भने व्यवसायीकरुपमा नै उपलब्ध हुने कम्पनीले उल्लेख गरेको छ । एजेन्सी