इलेक्ट्रीक कार मेकर टेस्लाले अनलाइनबाट मात्रै गाडी बेच्ने, सस्तो मोडल लन्च

काठमाडौं ।

काठमाडौं । इलेक्ट्रीक कार मेकर कम्पनी टेस्लाले आफ्ना गाडिहरुको मूल्य घटाउन अनलाइन बिक्री मात्र गर्ने जानकारी दिएको छ । कम्पनीले अबदेखि अफलाइन स्टोरहरु बन्द गर्दै विश्वभर नै अनलाइनमार्फत मात्र बिक्री गर्ने जनाएको हो ।

कम्पनीका सिईओ एलन मस्कले टेस्लाको कारहरु सस्तो मूल्यमा उपलब्ध गराउनका लागि कम्पनीले रिटेल स्टोरहरु बन्द गर्ने भएको जानकारी दिएका छन् । कम्पनीले आफ्नो लागत घटाउन र ग्राहकहरुलाई सस्तोमा कारहरु उपलब्ध गराउन भन्दै हाल अमेरिकामा रहेका केहि स्टोरहरु बन्द गर्ने भएको हो ।

तर मस्कले कतिवटा स्टोरहरु बन्द हुनेछन भन्ने जानकारी दिएनन् । उले केबल यी स्टोरहरु आगामी दिनमा सूचना केन्द्र र शोरुमको रुपमा मात्र रहने जानकारी दिएका छन् । यो निर्णयबाट कति कामदारहरु प्रभावित हुन्छन भन्ने जानकारी दिएको छैन् । आगामी दिनमा टेस्लाले अनलाइनबाट मात्र कारहरु बिक्री गर्नेछ ।

टेस्लाले निकै प्रतिक्षामा रहेको नयाँ तर सस्तो मोडलको गाडि पनि सावर्एजनिक गरेको छ । कम्पनीले मोडल ३ कै नयाँ सस्तो भर्सन मोडल ३एस अमेरिकी बजारमा ल्याएको हो । टेस्लाले यो नयाँ इलेक्ट्रीक सेडानको मूल्य ३५ हजार डलर तोकेको छ ।

करिब १ वर्षदेखि ग्राहकहरुले कुरिरहेका मोडल ३ एस इलेक्ट्रीक कार कम्पनी टेस्लाले बिहिबारदेखि डेलिभरी दिन शुरु गरेको हो ।

कम्पनीले ल्याएको मोडल ३एसको बेस मोडलमा २२० माइलको रेन्ज हुनेछ भने यो कार १३० माइल प्रति घण्टाको गतिमा कुद्न सक्नेछ ।

यसैबिच कम्पनीले मोडल ३ को नयाँ भर्सन मोडल थ्री स्ट्याण्डर्ड रेन्ज प्लस पनि बजारमा सार्वजनिक गरेको छ । कम्पनीकाअनुसार यो नयाँ भर्सनमा २४० माइलको रेन्ज थप हुनेछ भने

अतिरिक्त १४० माइल प्रति घण्टाको गति समात्न सक्नेछ । यो गाडिको मूल्य भने न्यूनतम ३७ हजार अमेरिकी डलरदेखि शुरु हुनेछ ।

यसअघि टेस्लाको मोडल थ्रीको सस्तो कारको मूल्य ४२ हजार ९०० अमेरिकी डलर थियो ।

बिहिबारदेखि नै कम्पनीले आफ्ना इलेक्ट्रीक कार किन्न चाहने ग्राहकहरुका लागि नयाँ रिर्टन पोलिसी समेत सार्वजनिक गरेको छ । यदि कुनै ग्राहकले टेस्लाको इलेक्ट्रीक कार टेस्ट ड्राइभ गरेर सो गाडि किन्न चाहेनन् भने ७ दिन भित्र वा १००० माइलसम्म कुदाएर फिर्ता गर्न सक्नेछ, जसलाई कम्पनीले पुरै रकम फिर्ता दिनेछ ।