शाओमी कारको परीक्षण हिउँमा गरिँदै, यी डिजाइन फिचरहरु हुनसक्ने

काठमाडौं ।

शाओमी कार विगत केही महिनादेखि चर्चामा छ। अब यो कार वेदर परिक्षणको क्रममा भेटिएको छ। यति मात्र होइन, यो परीक्षणको क्रममा कम्पनीका सीईओ लेई जुन स्वयं पनि उपस्थित रहेको बताइएको छ।

शाओमी कार कम्पनीले इलेक्ट्रिक भेहिकल (इभी) को रुपमा लन्च गर्ने भएको छ। अहिले हिउँजस्तो कठोर मौसममा यसको परीक्षण भइरहेको छ। यो कार चीनमा गरिएको परीक्षणको क्रममा देखाइएको थियो, जुन हालै एक ब्लगरले खुलासा गरेका थिए।

शाओमी इलेक्ट्रिक कार चीनमा वेदर परीक्षणको क्रममा भेटिएको छ। यो परीक्षणको क्रममा कम्पनीका सीईओ लेई जुन स्वयं पनि उपस्थित रहेको बताइएको छ। यद्यपि कम्पनीले आधिकारिक रूपमा यो ईभीको घोषणा गरेको छैन, तर कम्पनीले हिउँ पर्ने ठाउँहरू लगायत कठोर मौसमका लागि यसको परीक्षण गरिरहेको छ।

हालै आईटी होमले शाओमीको कार परीक्षण बारेमा खुलासा गरेको हो। यस समयमा कम्पनीको ईभीका दुई मोडलहरू रहेको अपडेटमा उल्लेख छ। यसमा लेई जुन आफैं पनि परीक्षण इकाईमा उपस्थित थिए।

भर्खरै यो कार सडक परीक्षणको क्रममा पनि देखिएको थियो। तर क्यामफ्लाज बनाइएका कारण त्यस लीकमा यसको डिजाइन देखिएको थिएन। अब फेरि एक पटक यो कार टेस्टिङको क्रममा देखिएको छ जसमा कम्पनीका सीईओले व्यक्तिगत रुपमा यी कारहरुको परीक्षण गरिरहेको देखिएको छ। यसले यति धेरै संकेत दिन्छ कि यो कार स्पोर्टी लुकको साथ सेडान मोडेल हुन सक्छ।

ब्लगरले शाओमी कारको बारेमा खुलासा गरेको छन्। जसमा यसको छतमा लाइडार सेन्सर पनि दिइएको छ। अर्थात् कम्पनीले यसमा सेल्फ ड्राइभिङ मोड पनि समावेश गर्न सक्नेछ। यसबारे थप जानकारी आगामी दिनमा पनि आउन सक्छ । हाल यो मात्र भन्न सकिन्छ कि यो एक मध्यम आकारको सेडान मोडेल हुन गइरहेको छ जुन कम्पनीले दुई भेरियन्टमा अफर गर्न सक्छ। यो वर्षको अन्त्यसम्ममा कारको लन्च घोषणा हुने अपेक्षा गरिएको छ।