Technology Khabar १८ जेष्ठ २०७८, मंगलवार
काठमाडौं ।
विवेकशील साझा पार्टीका पूर्वअध्यक्ष एवं वर्डप्रेस नेपालका सह संस्थापक उज्ज्वल थापाको निधन भएको छ ।
ललितपुरस्थित नेपाल मेडिसिटीमा उपचाररत थापाको इक्मो प्रविधिबाट उपचारको प्रयास भएको थियो ।
विवेकशील साझा पार्टीका संयोजक मिलन पाण्डेले पूर्व संयोजक थापाको निधन भएको सामाजिक सञ्जालबाट जानकारी गराएका छन् ।
धेरै धेरै धन्यवाद उज्वल दाइ।
तपाईं हामी मार्फत सधैं जीवित रहनुहुनेछ।उज्वल थापा हामीबिच रहनुभएन !
पूरा : https://t.co/sQuGx7LSiw pic.twitter.com/CGtol5X6Gx
— Milan Pandey (@MilanPandey) June 1, 2021
कोरोना र निमोनिया देखिएपछि केही साताअघि अस्पताल भर्ना भएका ४४ वर्षीय थापाको सोमबार पीसीआर परीक्षणमा नेगेटिभ आएको थियो ।
थापालाई यसअघि ग्राण्डी र ह्याम्स अस्पतालमा पनि उपचार गरिएको थियो।
थापाले आफ्नो करियर प्रविधि उद्यमीको रुपमा शुरु गरेका थिए । उनले सन् २००२ मा डिजिटल म्याक्स सलुसन्स नामक वेबसाइट विकास गर्ने तथा सोशल मिडिया ब्राण्डिङ्ग गर्ने कम्पनी संचालन गरेका थिए । पछि उनी वर्ड प्रेस नेपाल स्थापनामा सक्रिय सहभागी भएका थिए ।
प्रकाशित: १८ जेष्ठ २०७८, मंगलवार