गुगलका कर्मचारीहरुले विश्वभर एउटै अलाएन्स बनाउने

काठमाडौं ।

विश्वभरका गुगल कर्मचारीहरूले एउटै संघको लागि गठबन्धन गर्ने प्रयास गरिरहेका छन् । सर्च इन्जिन जायन्टका कामदारहरू र गुगलको अभिभावक कम्पनी अल्फाबेट इंकका अन्य इकाईहरूले अमेरिका र क्यानाडाली कार्यालयहरूको लागि श्रमिक संघ गठन गरेका हुन्।

युएनआई ग्लोबल युनियन, जसले विश्वव्यापी करिब २० करोड श्रमिकहरूको प्रतिनिधित्व गर्दछ; सो संस्थाले सोमबार भन्यो कि यसले ‘अल्फा ग्लोबल’, गुगलको युनियन गठबन्धन निर्माण गर्न मद्दत गर्‍यो, जसमा अमेरिका, जर्मनी, स्विजरल्याण्ड, स्विडेन र बेलायत जस्ता धेरै देशहरू सामेल छन्।

‘अल्फा ग्लोबलले पूर्णकालिक अल्फाबेटका कामदारहरूको साथसाथै अस्थायी, विक्रेता र ठेकेदार कामदारहरूको अधिकारको लागि संघर्ष गर्नेछ,’ युएनआई ग्लोबलले भन्यो।

‘अल्फाबेटमा समस्याहरू… कुनै एक देशमा मात्र सीमित छैनन् र यसलाई विश्वस्तरमा सम्बोधन गर्नुपर्दछ,’ युएनआईका महासचिव क्रिस्टी हफम्यानले भने।

कार्यस्थल र व्यवसायिक अभ्यासमा वर्षौंको विरोध पछि, २०० गुगलका कामदारहरूले यहि जनवरीको शुरुवातमा अल्फाबेट वर्कर्स युनियन(Alphabet Workers Union), एक तथाकथित ‘अल्पसंख्यक संघ’ गठन गरेका हुन्।

संयुक्त राज्य श्रम कानून अन्तर्गत, धेरैजसो कर्मचारीहरूले समर्थन नगरेसम्म अल्फाबेटले संघका मागहरूलाई बेवास्ता गर्न सक्दछ । रोयटर्स