ह्वाट्सएपको नयाँ गोपनीयता नीति खारेजको माग गर्दै भारतीय अदालतमा मुद्धा दर्ता

Technology Khabar ४ माघ २०७७, आईतवार

ह्वाट्सएपको नयाँ गोपनीयता नीति खारेजको माग गर्दै भारतीय अदालतमा मुद्धा दर्ता
Classic Tech

मेसेजिङ्ग एप ह्वाट्सएपको सबैभन्दा ठूलो बजार भारतमा कन्फेडेरेसन अफ अल इंडिया ट्रेडर्स (सीएआईटी) ले ह्वाट्सएप र फेसबुकको नयाँ गोपनीयता नीति खारेज गर्न भारतीय सर्वोच्च अदालतमा मुद्धा दर्ता गरेको छ।

क्याटले आफ्नो याचिकामा भनेको छ कि ह्वाट्सएपको प्रस्तावित गोपनीयता नीतिले भारतीय संविधानले प्रदान गरेको नागरिकको विभिन्न मौलिक अधिकार हनन भएको छ। क्याटले भने कि ह्वाट्सएप जस्ता ठूला टेक्नोलोजी कम्पनीहरूको संचालन गर्न केन्द्रीय सरकारले दिशानिर्देश बनाउनु पर्छ र नागरिकहरू र व्यवसायको गोपनीयतालाई जोगाउने नीतिहरू बनाउनु पर्छ।

यो याचिकामा विशेष गरी युरोपियन युनियन देशहरू र भारतमा ह्वाट्सएपको गोपनीयता नीतिमा पूर्ण अन्तर देखाएको बारेमा समेत उल्लेख गरिएकोछ। याचिकामा भनिएको छ, ‘कसरी ठूला प्रविधि कम्पनीहरूले भारतीय प्रयोगकर्ताहरूको डाटा दुरुपयोग गर्न सक्दछन्।’

क्याटका राष्ट्रिय अध्यक्ष बी. सी.भरतीया र राष्ट्रिय महासचिव प्रवीण खण्डेलवालले आरोप लगाए कि ह्वाट्सएपले ‘माई वे वा हाई वे’ को अवधारणा अपनाएको छ जुन मनोमानी, अनुचित, असंवैधानिक छ र भारतजस्ता लोकतान्त्रिक देशमा स्वीकार्य छैन। ह्वाट्सएपले धोखा दिएर व्यक्तिगत प्रयोगकर्ता डाटा संकलन गरिरहेको छ।

भारतमा यसको लन्चको समयमा, ह्वाट्सएपले डाटा र कडा गोपनीयता सिद्धान्तहरू सेयर नगर्ने वाचामा आधारित रहेर प्रयोगकर्ताहरूलाई आकर्षित गरेको बताईएको छ ।

नयाँ गोपनीयता नीति अन्तर्गत, यसले फेसबुक र यसका सबै समूह कम्पनीहरूसँग व्यावसायिक विज्ञापन र मार्केटिङ्गको लागि व्यक्तिगत डाटा साझेदारी गर्न सक्नेछ।

ह्वाट्सएपको नयाँ नीतिको भारतमा मात्र नभई विश्वभर विरोध भईरहेको छ र यूजरहरु सिग्नल तथा टेलिग्रामतर्फ आकर्षित भईरहेका छन् । एजेन्सी

TK Viber

प्रकाशित: ४ माघ २०७७, आईतवार

Loading...