काठमाडौं ।
अहिलेको समयमा धेरैजसो व्यक्तिले गूगल फोटोजलाई अनलाईन जगेडाको रूपमा प्रयोग गर्दछन् किनकि यसमा फोटोहरू पूर्ण रूपमा सुरक्षित हुन्छन् र डिलिट हुने जोखिम पनि कम हुन्छ।
तर धेरै पटक यस्तो हुन्छ कि व्यक्तिले गल्तिले गूगल फोटोजबाट फोटोहरू डिलिट हुने गर्दछ, त्यसपछि उनीहरूले पश्चात्ताप गर्नुपर्दछ।
त्यसैले आज हामी तपाईंलाई केहि विशेष तरिकाहरूको बारेमा बताउँदछौं, जसका माध्यमबाट गूगल फोटोजबाट हटाइएको फोटोहरू सजिलै फिर्ता ल्याउन सकिन्छ।
आउनुहोस् यी तरीकाको बारेमा जान्नुहोस्-
यस प्रकारले एन्ड्रोइड प्रयोगकर्ताहरूले गूगल फोटोजबाट मेटाईएका फोटोहरू पुन: प्राप्ति गर्नसक्नेछन्-
- यदि तपाईं आफ्नो मेटिएका फोटोहरू फिर्ता ल्याउन चाहनुहुन्छ भने, पहिले तपाईंको फोनमा गूगल फोटो एप खोल्नुहोस्।
- यहाँ तपाईले दायाँ तिर तीन लाइनहरु देख्नुहुनेछ। तपाईंले तिनीहरूमा क्लिक गर्नुपर्दछ।
- क्लिक गरेपछि रद्दीटोकरी(Trash) वा बिन(Bin) विकल्पलाई छनौट गर्नुस् र तपाईंले पुन प्राप्त गर्न चाहनुभएका फोटोहरू चयन गर्नुहोस्।
- फोटोहरू छनौट गरेपछि रिस्टोर बटनमा क्लिक गर्नुहोस्।
- यो गरिसकेपछि, यसअघि तपाइँका सबै मेटिएका फोटोहरू फेरी देखिने छन्।
यस प्रकार आईफोन प्रयोगकर्ताहरूले गूगल फोटोजबाट हटाइएको फोटोहरू पुन: प्राप्ति गर्नसक्नेछन्-
- सबभन्दा पहिले तपाईंको डिभाइसमा गूगल फोटोज एप खोल्नुहोस्।
- यहाँ तपाईं दायाँ पट्टि तीन लाइनहरू देख्नुहुनेछ। तपाईंले तिनीहरूमा क्लिक गर्नुपर्दछ।
- क्लिक गरिसकेपछि रद्दीटोकरी(Trash) वा बिन (Bin) विकल्प छनौट गरेर तपाईंले फेरी फिर्ता चाहानुभएका फोटाहरू चयन गर्नुहोस्।
- फोटोहरू छनौट गरेपछि रिस्टोर बटनमा क्लिक गर्नुहोस्।
- यो गरिसकेपछि, तपाइँका सबै मेटिएका फोटोहरू तपाईँले फेरि देख्न सक्नुहुनेछ।
यस प्रकारले वेब प्रयोगकर्ताहरूले गुगल फोटोहरूबाट हटाइएको फोटोहरू पुन: प्राप्ति गर्नसक्नेछन्-
- प्रयोगकर्ताहरूले सर्वप्रथम वेब ब्राउजरहरूमा गएर https://photos.google.com/ गूगल फोटोहरूमा लिंक खोल्नु पर्छ।
- तपाईंको गूगल आईडीको साथ यहाँ लग इन गर्नुहोस्। यो गरिसकेपछि, तपाईंले तीन लाइनहरू देख्नुहुनेछ। तिनीहरूमा क्लिक गर्नुहोस्।
- त्यसो गरिसकेपछि रद्दीटोकरी(Trash) विकल्पमा ट्याप गर्नुहोस् र जुन तपाईं यहाँ फिर्ता गर्न चाहानुहुन्छ ती फोटोहरु सेलेक्ट गर्नुहोस् ।
- फोटोहरू छनौट गरेपछि, रिस्टोर बटनमा क्लिक गर्नुहोस्। यस पछि, तपाइँका सबै छनौट गरिएका इमेजहरू तपाइँलाई फिर्ता देखिने छ।
मेटिएका फोटोहरू ६० दिनसम्म रद्दीटोकरीमा
तपाईंको जानकारीको लागि गूगल फोटोजबाट मेटिएका फोटोहरू रद्दीटोकरीमा अर्थात ट्र्याशमा ६० दिनसम्म रहन्छ। डिलिट भएका फोटोहरू ६० दिन भन्दा बढी भएको छ र तपाईं तिनीहरूलाई पुनः प्राप्ति गर्न चाहनुहुन्छ भने त्यसो गर्न धेरै गाह्रो छ। त्यसैले यस्तो अवस्थामा, सबै आवश्यक तस्बिरहरू र भिडियोहरू समयमै पुनःप्राप्ति गर्नुहोस् र ढुक्क हुनुहोस् ।
प्रकाशित: १९ कार्तिक २०७७, बुधबार