Technology Khabar १० चैत्र २०७६, सोमबार
काठमाडौं ।
नेपाल दूरसंचार प्राधिकरणले अनावश्यकरुपमा इन्टरनेट प्रयोग नगर्न सबैसँग आग्रह गर्दै नेटवर्क ट्राफिक कन्जेन्सन हुन गई सेवा नै रोकिन सक्ने चेतावनी दिएको छ ।
दूरसंचार प्राधिकरणले पछिल्लो दिनमा इन्टरनेटको ब्याण्डविथ वृद्धि भईरहेको भन्दै प्राथमिकताको आधारमा मात्र इन्टरनेट प्रयोग गर्न अनुरोध गरेको हो ।
प्राधिकरणले आज आफ्नो वेबसाइटमार्फत सार्वजनिक सूचना जारी गरेर नै आवश्यक एप्लिकेसन मात्र प्रयोग गर्न अनुरोध गरेको हो ।
प्राधिकरणकाअनुसार विश्वव्यापीरुपमा देखिएको कोरोना भाइरसको समस्याले गर्दा इन्टरनेट सेवाको खपत अस्वभाविकरुपमा वृद्धि भईरहेको छ ।
‘यसबाट नेटवर्क ट्राफिक कन्जेन्सन हुन गई सेवा नै अवरुद्ध हुनसक्ने भएको हुँदा प्राथमिकताका आवश्यक एप्लिकेसन मात्र प्रयोग गरी दिनुहोस्,’ दूरसंचार प्राधिकरणको सूचनामा भनिएको छ ।
सूचना हेर्न यहाँ क्लिक गर्नुहोस् ।
प्रकाशित: १० चैत्र २०७६, सोमबार