Technology Khabar २१ असार २०७६, शनिबार
काठमाडौं ।
काठमाडौं । ब्रिटेनको सबैभन्दा ठूलो कार निर्माता कम्पनी जगुवार ल्याण्ड रोभरले इलेक्ट्रिक भेहिकल्स निर्माणको लागि बेलायतमा लगानी गर्ने भएकोा छ । कम्पनीले बेलायतमा डिजेल र पेट्रोल कारको घट्दो बिक्री र ब्रेजिक्टको अनिश्चितताका बाबजुद पनि लाखौं डलर लगानी गर्ने भएको हो ।
कम्पनीले पहिलो चरणमा इलेक्ट्रिक भेहिकल्सको शुरुवात आफ्नो लक्जरी सेडान एक्सजे(XJ)बाट गर्ने भएको छ । कम्पनीले इलेक्ट्रिक भेहिकल्सको उत्पादन बेलायतको मध्यमा रेहको क्यास्टल ब्रोमिच प्लान्टमा गर्नेछ ।
गत वर्ष मात्र जगुवारले बेलायमा कुल कार बिक्रीका करिब ३० प्रतिशत हिस्सा ओगट्दै १५ लाख कार बेचेको थियो ।
अबको भविश्य भनेको इलेक्ट्रिक हो र एउटा भिजिनरी ब्रिटिस कम्पनीको भएको नाताले, हामी बेलायतमा हाम्रो नयाँ पुस्ताको शुन्य कार्बनजन्य गाडीहरु बनाउनेछौं, कम्पनीका प्रमुख कार्यकारी राल्फ स्पेथले भने ।
यो घोषणा यस्तो बेला आएको छ जतिबेला होण्डा र फोर्डले बेलायतमा आफ्ना फ्याक्ट्रीहरु बन्द गर्ने योजना ल्याएका छन् । यसले बेलायतको अटोमोटिभ सेक्टरलाई बढावा दिने बताईएको छ ।
जगुवार ल्याण्ड रोभरको युरोपमा भएका चार मध्ये तीनवटा प्लान्ट बेलायतमा छन् ।
तर सो गाडी कम्पनीले ब्रेजिक्टले पार्ने प्रभावको बारेमा पनि स्पष्ट हुनुपर्ने तर आफूले बेलायत नछोड्ने उल्लेख गरेको छ ।
कार मेकर कम्पनीले सन् २०२० देखि इलेक्ट्रिक अप्सनहरुको रुपमा नयाँ इलेक्ट्रिक भेहिकल्स ल्याउने तयारीमा छ ।
जगुवारले बेलायती सरकारसँग ब्याट्री उत्पादनको गीगा स्केलमा प्लान्ट लगाउन पनि अनुरोध गरेको छ जसले गर्दा बेलायत शुन्य कार्बन उत्सर्जन र प्रविधिमा पछाडि पर्न नपरोस् । एजेन्सी
प्रकाशित: २१ असार २०७६, शनिबार
