क्याडिल्याकले ल्यायो ४५० माइलको रेन्ज भएको आफ्नो पहिलो इलेक्ट्रिक एसयूभी

काठमाडौं ।

क्याडिल्याकले ४५० माइल दायरा र ८०० भोल्ट डीसी फास्ट चार्जिङको साथ नयाँ इलेक्ट्रिक एसयूभी अनावरण गरेको छ। कम्पनिले पहिलो पूर्ण विद्युतीय एसयूभी, ‘२०२५ इस्केलेड आईक्यू’, लन्च गरेको हो।

यो नवीनतम सिर्जना जीएमको अल्टियम ब्याट्रीहरुका साथमा सुसज्जित रहेकोछ। यसको आकारले यसलाई ग्यास-पावर्ड पूर्ववर्तीहरू भन्दा फरक बनाएको उल्लेख छ। यसको लम्बाइ लगभग लङ -ह्वीलबेस इस्केलेड इएसभी बराबर रहेको तथा यसको आकारको बावजुद, क्याडिल्याकले यसलाई “जीएमद्वारा उत्पादित सबैभन्दा एरोडायनामिक पूर्ण आकारको एसयूभी” भएको दाबी गरेको छ।

इलेक्ट्रिक एसयूभीले २४ मोड्युल अल्टियम ब्याट्री समर्थन गर्नेछ, जसले २०० किलोवाट प्रति घण्टा भन्दा बढी ऊर्जा उत्पादन गर्ने बताइएको छ। यसले ८०० भोल्ट डीसी फास्ट चार्जिङलाई समर्थन गर्ने उल्लेख छ।

एसयूभीले  ३५०-किलोवाट डिसी चार्जिङ स्टेशनमा जम्मा १० मिनेटको चार्जिङमा १०० माइलसम्म दायरा प्रदान गर्ने बताइएको छ। एसी चार्जिङ अप्सनले प्रति घण्टा अनुमानित ३७ माइलको दायरा प्रदान गर्ने अनुमान गरिएकाे छ।

साथै, दुईवटा इलेक्ट्रिक मोटरहरूले ६८० हर्सपावर र ६१५ आइबी-एफ्टी टर्क स्ट्याण्डर्ड मोड प्रदान गर्ने  छज्। भेलोसीटी म्याक्स मोड सक्रिय गर्दा पाँच सेकेन्डमा शुन्यदेखि ६० माइल प्रतिघण्टाको रेन्ज सक्षम पार्दै ७५० हर्स पावर र ७८५ आइबी-एफ्टीमा जानसक्ने बताइएको छ।

इस्केलेड आईक्यू १९ फिट लम्बाइ, आठ फिट चौडाइ तथा ६ फिट उचाइको एसयूभी हो।  दोस्रो र तेस्रो-पङ्क्तिको सिटहरू फोल्ड गरी ११९.२ क्यूबिक फिट कार्गो भोल्युमको विशाल भित्री भाग प्रदान गर्ने छ।

यसको टोइङ क्षमता ८,००० पाउन्डसम्म पुग्ने बताइएको छ। प्राविधिक उत्साहीहरूका लागि, एसयूभीले एन्ड्रोइड अटोमोटिभ ओएसमा चल्ने ५५ इन्चको डुअल-स्क्रिन एलईडी डिस्प्ले, गुगल सहायक, गुगल नक्सा र प्ले स्टोरसँग पूरा गरेको छ। अडियो फाइलहरूले ३६० डिग्री अडियो अनुभवको लागि हाइ-इन्डका मोडलहरूको एकेजी ४० स्पीकर एरेको समर्थन गर्ने उल्लेख छ।

यो इलेक्ट्रिक एसयूभी १ लाख ३० हजार अमेरिकी डलर भन्दा माथिको उच्च मूल्य ट्यागको साथमा उपलब्ध हुने बताइएकाे छ।